هذي قصيده قريتها في احد المنتديات واعجبتني
وحبيت انقلها لكم
ولا اعرف صاحبها
البارحه كني على الوجـه مصفـوق =والاقريص(ن)فيـه سـم الذحاحـي
افتر مثل الطيـر والقلـب محـروق =والعيـن عيـت تهتنـي بالمراحـي
مريض نفس وقلب وعصاب وعروق =ولاظنتي باقـي بجسمـي صلاحـي
يالله ياسامـع نـدا كـل منـطـوق =ياعالـم الاسرارمـجـر الريـاحـي
افرج القلب(ن)صـار للهم طـاروق =متعرض(ن)الكـل ماجـا وراحــي
من كثر مابه صار به جرح وفتـوق =وحتيش لو عالج فلاهـوب صاحـي
لون جرحه صار بالجسم من فـوق =يمكن إعلاجـه ينتهـي بالنجاحـي
لا شك جرحه بيـن ظلـع ومعلـوق =متخفيـن ماهـو محلـه بيـاحـي
اشوف حظي ياملا صار بـه عـوق =عقب ارتفاعه فوق عـود وطاحـي
ذا قول منهو من غثا الوقت ملحوق =والصـدر ظـاق وبتماثيـل فاحـي
ومن لا مني جعله يقود مع السـوق =ويساق في روس النمش ورماحـي
ياخذ ثلاث ايـام بالسـوق مشنـوق =وجريمتـه تكتـب بكـل الصفاحـي
وسلامتكـــــــــــــــــــــــــــم