بسم الله الرحمن الرحيم
اخواني الاعضاء الكرام
السلام عليكم ورحمة الله وبركاتة
هذه القصيده تحكي نفسها بنفسها
لعنبو من يقبل الذل لو يبقى عليل=والحقد واهل الحقد كيدها بنحورها
عادتي مامد إديني مثل مدة بخيل=ولا استمع حكي العواذل ولا اخذ شورها
الوفي اصله وفي والذليل اصله ذليل= والكرامه عند الاجواد تاخذ دورها
الاصايل لاعشقت تعشق الحر الاصيل= والكدش لأهل الكدش نازله بحدورها
صاحبي ادخل على الله وانا عندك دخيل=جيت يمك يوم غيرك تضيق اصدورها
واهني اللي يشوفك ويفرح بك خليل=شبه وضحا لاطلعت رائده بمرورها
الثنايا كنها لولوٍ صفت فصيل=والعيون الساحره تغرقك فبحورها
ماهقيت اني بحياتك مثل عابر سبيل= طاف بديارٍ غريبه وغادر سورها
راح في دربه وهمه مع احزانه يشيل= والليالي السود ردت عليه ابجورها
اصبر وصبري تخطى حدود المستحيل=ثابتٍ مثل الشجر لوتموت اجذورها
الجمل لاطاح كثرت عليه اللي تشيل=والسيوف الحاقده مابقت بجفورها
الزمن هو الزمن ماتغير ياهبيل= النفوس اللي تغير وزاد اشرورها
من تعب بالزرع لابد مايجني الحصيل=فرحتة بالعمر زادت وزاد اسرورها
الردي يبقى ردي والكرم طبع الاصيل=والقمر والشمس محدٍ يغطي نورها
لعنبو من يقبل الذل لو يبقى عليل=والحقد واهل الحقد كيدها بنحورها