في البدايه
تحياتي لكل الاعضاء واحترامي
وادري اني دبلت كبدكم بالقصيد لاكن وش اسوي القصايد تدعيني ولبي ووعدكم ان ذالقصيده ماعادني كاتب عقبها الا عقب 6 شهور عشان اريحكم من قصيدي
هذي قصيده قلتها البارح وحكايتها اني جالس مقابل التلفزيزن واذا بمحمد بن مكتوم في الشاشه ومن غير مشعر وألاني اقول ياسيدي سمعاً وطاعه والعالم الله اني قلتها من قلبي ولالي اي مكاسب منها سوي ذكر رجل يحظى بحب وقبول ليس في غيره
ولكم القصيده
يامرحبا ياسيدي ألف ترحيب = ترحيبة الحشما وسمعاً وطاعه
ترحيبةٍ من قلب لاشافك يطيب = لاقالوا محمد تراقص أضلاعه
يجيبلك طاروق وألحان ويجيب = من الشعر أبيات ماهي طماعه
ياسيدي ياسيدي سيد الطيب = محمد المكتوم طيب وشجاعه
هي كلمتي مرجي وراها مكاسيب = في ذمتي مدحك يجي من قناعه
ان كنت كاذب جعل يديني أتعيب = حبك من الله ماتصنع صناعه
ألكم غلا بين الضلوع المحاديب = يكبر سموك كل لحظه وساعه
عجزت نساوين العرب مثلك أتجيب = مثلك ندر فالناس يغلا بضاعه
فارس وشاعر ذرب راعي مواجيب = له موقفٍ مذكور بالطيب شاعه
شعبه يحبه والعرب والأجانيب = حتي الطفل يرضع غلاكم رضاعه
لو بمدحك ياسيدي عيني أتشيب = ماكنك الا قبلة الله بقاعه
شفتك ونوخت القوافي بتهذيب = ومن غير مشعر قلت سمعاً وطاعه