مشكورين على الاهتمام ولو ان الموضوع ماهو لي من دونكم ...... الاخ الامير .... دقق في كلامي وتعرف السبب... وبعدين... ترى النية صافية والقلب صادق ولا انا متحامل عليهم انا ازهمهم جعلك تحيا... مابي الرجاجيل يلعبون عليهم باسم الدين مثل ماقد صار النتخابات الماضية ... وهذا الكلام من بعضهم شخصيا .. ولو ان مطير ماهم لاقين عندنا صيدة ما قاموا يتحوفونا باشاعاتهم (عز الله انكم طلعتوا لنا شخص ندوره من زمان يقصدون ابن برغش )طيب وابن شرفان وش فيه ؟ هذا بس علشان يفرقون بين مرشحينا من الناحية الدينية --- وبانشدك وفكر في سؤالي لو ان اللي نجح مع ابن برغش ابن مرداس والا ابن بطي وشهم بيقولون ؟ ... كان بيدورون سالفة غير .. لاهم بمخلينك ..ذايقين حلاة تفراقكم الانتخابات اللي طافت ..... وترى ماني باجادلك بالعكس ابغي منك الفزعة .. ريح بالي وبال بني عمك الباقين وعاوننا على الامر الا ان كانك مستغش من نوايانا !! وهذي انشاء الله ماهي بعندك ولا هي بعندنا .... وخل حنا نلتفت لباقي اهل المنطقة الكرام نشحذهم ولهم المنة