يرحم الله والديك والديها=كان حبي ماتبي حبن بديله
علميها تتصل بي علميها=ودي اسمع صوتها بأية وسيله
والله ان قدلي ليالي احتريها=واتحرى كل يوم وكل ليله
يومني خابر تبي قربي وابيها=ماحدن يذخر على الثاني حصيله
ايحداني الغرام اللي يحديها=والحظوظ اشحاح والحيله قليله
شيمتي عيت علي اني أجيها=حالفن ما أرضى على اهلها الفشيله
وعلميني كان ذا غصبن عليها=واعذرها عذر خيال الكحيله
دام لا فيدي ولا هو فيديها=مالنا في دورة الايام حيله
اطبعيها يامجله وآنشريها=برقي بعيدن عليها لا تخيله
ويلعن الله والديس والديها=دام مافيدي ولا فيدس حيله