اقتباس:
|
المشاركة الأصلية كتبت بواسطة الجويّر
السلام عليكم ورحمة الله وبركاته
هذي القصيده قصيدة رد على اخوي الشاعر ابو مشاري
وعساها تحوز على رضا الجميع
مردود ياشعر ٍ توجهـت مـردود = صوبي وانا له محري الكايداتـي
لاقولها مدح ٍ ولاشوف بـي زود = ماقولها الا من تجـارب حياتـي
سلام يامنهو شكا الحب مظهـود = عد الولـه بقلوبنـا الظامياتـي
وعداد مابالقاع مـن نبتـة اورود = وعد النجوم بليلهـا الساهراتـي
يابو مشاري ماجرا صار بسعـود = قد جاني اللي جاك بعد وأساتـي
جيت بعذاب ٍ يردف همومه احشود = جدد علـي سنينـي الماضياتـي
طرا من الطاري مواثيق وعهـود = وقصة غرام ٍ مالها من صفاتـي
انا وملهوف الحشا ناعـم العـود = اربع من سنين العمـر شايخاتـي
لكن تواليها غدا الروض مجـرود = حال الفراق وهـدّم البعـد ذاتـي
واصبحت محروم ٍ ولا بالرجا فود = علـى حبيـب ٍ ماهقيتـه بياتـي
صحيح بعده ودّع بكفـي اقيـود = وفكري سباه بغفلتـي والصلاتـي
لكن دعيت اللي من الخلق معبود = يجلي هموم ٍ داخلـي محزناتـي
والحب يامسفر بالاحباب نمـرود من سبتة ياكثرهـا مـن وفاتـي
واسلم وسلّملي على كل مقـرود = اللـي تولّـع وابتلـى بالبناتـي
وســلامـــتـــكـــم
الشاعر / سعود ارتيبان الجوير
|
الشاعر الخلوق سعود الجوير
ياااامرحبا ألف بالشعر وأهله
صح الله لسااانك مدد يالقرم على القصيده الراااائعه الجزله في معانيها وقوت ألفاظها
وصح السااان أبومشاااري في قصيدته السااابقه
متااابعتي واحترااامي
ودعتك الله يالقرم