1.... البرنس1
بعض العرب محبوب ودك اتخاويه
وبعض العرب ماودك الا ابفرقاه
وبعض العرب ودك تسمًع حكاويه
والاً بعضهم يزعجك كثرة احكاه
2.... العجمي الصالحي
اصبر على الزمن مجبور تجاريه
حكيم لصبي يوصيه بوصاه
الثعل ثعل وللذيب دايم مساريه
وخير الكلام ماقل ونادر حكاه
3.....البرنس1
ياربعنا البرنس ودي اجاريه
بيتين بس البرنس بتجيب اقصاه
بعض العرب والله محدن يدانيه
وبعض العرب ماودك اليوم تجفاه
4.....#عاشقة المحاوره#
وبعض العرب تشتاق له ولطواريه
وبعض العرب ما ودك تجيب طرياه
وبعض العرب تلقاه ثم تفتخر فيه
وبعض العرب تلقاه ليله وتنساه
5.....صالح بن جارالله
وبعض العرب حرفه ينومس واجاريه
وبعض العرب تتعب ولا تعين ادواه
وبعض العرب لا جاء فلا الله يحييه
وبعض العرب ويلي على اجيه ويلااااه
6......آطرقي
الرجل لامن شاع ذكره وطاريه
ينومس الطيب من الناس طرياه
من صكته دنياه مره تصحيه
ويابخت من يصبر على جور بلواه
7..... زهير
بعض العرب قلبك يوده ويغليه
وبعض العرب ودك بالأقدام تطاه
وبعض العرب تفرح بقربه وتشريه
وبعض العرب لو شفت بيته تعداه
8 ...... مهرة الصمان
وبعض العرب يفز لاشاف غاليه
يضحك احجاجه ويكرم الضيف لاجاه
هذاك ودك تفتخر في مماشيه
يالله عسى بعض البشر من فداياه
****** مجاراه رائعه ******
استمتعت بالمشاركه فيها .......
وأحببت الاستمتاع بقرائتها معكم ....
تحياتي :