اقتباس:
|
المشاركة الأصلية كتبت بواسطة تركي الديحاني
هذه اول قصيده لي بهذا الصرح الجميل
واتمنى ربع الاعجاب
واصل مشاويرك على الهم والكـرب = الى متى وانـت مـن الهـم هـارب
ولا تشتكي ياصاحبـي غيـر للـرب = اللي بفضله صـرت ماكـل وشـارب
والرجل ودك لامشى يقطـع الـدرب = ومال الحمـول الا طـوال الشـوارب
عبدان مايمشي مـع ساقـة الجـرب = فارق مثل فرق السفـن والقـوارب
وان كان ماتقدر على الهوش والحرب = ماهو ضـروري يارفيقـي تحـارب
بعض الحرار احيان ماتقدر الخـرب = والفار بالحالـه عبـر سـد مـارب
واذا تعبت تصير مـع اول السـرب = ريّح وقل هـذي استراحـة محـارب
وكمل بعدها واعرف الطرح والضرب = دنيـاك هـذي كـل ابوهـا تجـارب
واتعب على كسب النواميس والقرب = يازينهـا جمـع الاهـل والاقــارب
واذا قطعت الوصل والمنطق الـذرب = تصير بعيون البشر شخـص خـارب
واعرف مداخليك من الشرق للغـرب = وشاربك علّه فوق مع كـل شـارب
|
الشاعر الخلوق
تركي الديحاني
أهلا بك وسهلا ومرحبا
بين ربعك واخوانك يالقرم في منتدى قبيلة العجمان
ترااااحيب المطر يااا أبولفا بمشاركتك وبطلتك البهيه
وأتمنى لك حسن المقام
وأنت على الرحب والسعه ياسليل الكراااام
............
قصيده إجتماعيه من الطراز الأول يا أبولفا
صح الله لساااانك مدد بلااااعد
جزله من شاااعر جزل
متااابعتي واحترااامي لشخصك النبيل
وفي انتظار مشاركاتك القااادمه يالقرم
في حفظ الله ورعاااايته