السلام عليكم ورحمه الله وبركاته ...............
أتيتكم اليوم بخاطره أعجبتني كثيرا وحبيت انقلها لكم ..............
بعيد عن ضو المدينـة والازعـاج
اهناك عن عيـن الحيـاة المملـه
الليل هادي والقمر نـور وسـراج
امشى تعب تحت النجـوم المطلـه
سجيت ادور لي عن الهم مخـراج
اسـايـر الايــام واقــول يالله
ياشينها بعض العلل مالهـا عـلاج
تكبر معك ويصيـر قلبـك محلـه
كانت رومنسيه وانا كنت محتـاج
كانـت حكايـة عزتـي والمذلـه
فقير لكـن بالامـل يلبـس التـاج
وافي ولو حصل من الغيـر زلـه
كانت سوالف متعبه صوت واخراج
طريق مـن ضيـع زمانـه يدلـه
بديت اسولف لك بلا قيد واحـراج
مشاعري من دون قصدي حكن له
اسرفت بالفرحه وانا همي افـواج
اقول وينك وانـت سيفـك تسلـه
كنت اذكرك تختال في عين وحجاج
اموت ما ينسـى النظـر نظرتلـه
خذيتني وسط البحر بين الامـواج
قتلتنـي واملـك عليـك الادلــه
هي ليله مـرت ولا عـاد يحتـاج
قلبي ولا ادري وين قلبي وصل له
هذاك كان الليل عن عين الازعاج
قبـل التعاسـه والحيـاة المملـه
وتقبلوا مني فائق الاحترام وجزيل الشكر ..............