يانزعـة الواهـس اللـي ضيّقـت بالـي
يالله ياربـي تكافـي شــر هالنـزعـه
انـا اتصبّـر وزاد الـشـوق غربـالـي
حتىاستضاق الفضا بعيني.. على وِسعه!!!
كنـي عليـلٍ يشـوف علاجـه محـالـي
وفي كل لحظه يزود الحـزن بـه جُرعـه
ماباقـي الا انفجـر واصـيـح بالغـالـي
واقول انا ميّـت ان ماجيـت.. هالجِمعـه
ياوجـد حالـي عليـك إلا بـري حالـي
مـن يـوم قفّيـت كـن الـروح منّّزعـه
كنـت احسبنـي علـى فرقـاك بحتالـي
لكـن عقـب غيبتـك ماانكفّـت الدمعـه
اصفـح عـن وجيـه حسـادي وعذالـي
اللي علي يفرحـون ان شافـو الهزعـه
ودموع عينـي ماطاحـت يـوم الاهوالـي
يـوم المصايـب لراسـي جـات مرتبعـه
مشتـال حملـي بفـضـل الله مشتـالـي
من طيب راسي ولاابغي من حـدن فزعـه
بـس الهـوى مايفـرّق بيـن الازوالـي
ولاحدٍ يعـارض علـى سلمـه ولاشرعـه
والقلـب نصفـه الاول كـنّـه التـالـي
سهوم الهوى لااغزتـه ماهيـب منردعـه
وانـا ذبحنـي غـلا ذربيـن الافعـالـي
وزودٍعلـى حبهـم لـي عندهـم طَمعَـه
غـرو ٍ خيالـه يخاوينـي ويبـرى لـي
اموت في شوفتـه وامـوت فـي سَمعـه
لبـى عيونـه ولبـى زولــه الغـالـي
ولبيـه كلّـه ولبـى جنـسـه وطبـعـه
شبعـان ذوق وحـلا وشـوي متعالـي!!
وبالملـح والثقـل ماهـو قاصـرٍ شَبعـه
متى علـى الله بشوفـه جالـس اقبالـي
اللي بـه الحسـن فتنـه والحسـن نَبعـه
ان طوّلـت غيبـتـه بـمـوت طـوّالـي
قولو لـه اخـر وعـد عصريـة الجمعـه
انااشهـد ان المفـارق ضيـم واذلالــي
راعيـه ماعـاد يطيـق أهلـه ولا ربعـه
معهم وكنّـه لحالـه فـي الخـلا الخالـي
غيبوبتـه تاخـذه والـنـاس مجتمـعـه
ارحب يابوفهد وحيه وحي ماجابه
,,,,,,,
,,,,
وصح السانك واعتلاشانك
,,,,,,,
,,,,
جزل وماتجيب الا الجزل
,,,,,,
,,,,
مبدع دائما ولاتحرمنا يابوفهد من الجديد
تقبل من اخيك الصغير وافر الود والتقدير,,,,,