[شهد]

اولا يعطيك العافيه اخ ... نبض المعاني
سويت مثل ماقلت وبست راس الوالده وعلى فكرة هي قاعده عندي وقالت لي بالحرف خير وش صاير قريت لها
اللي انت كاتبه
وقالت لي الله يجزاه خير وبطن أموه الجنه
هذي امانه حبيت اوصلها


الشغله الثانيه
للاسف الكثير منا سواء رجال او نساء مايعطون للكلمه الطيبه اي اهتمام
الرجال بزعمه ان كلمة حبيبتي اذا قالها لزوجته تتنتقص من رجولته
او انها تتنتقص من قدرة ومن هيبته
تلاقيه يقول ... كبرنا على هالسوالف
اذا حنا قلنا هالكلام اجل وش خلينا للمراهقين

حتى وان كان يحب زوجته مايصرح بمشاعره بالقول
ممكن يصرح فيه بالفعل وكثير اللي يصرحون فحبهم باعمالهم
ويتناسون ان المرأه مخلوق سمعي اكثر من اي شي ثاني
الكلمه الطيبه لها تأثير السحر على الانثى

مو بس الزوجه
حتى على الاخت
يعني مثلا انا لو يجيني حدا اخواني ويقولي شهد سوي هالشي بصيغة امر
طبعا بقوم اسويه ... لكن من غير نفس
بعكس اذا قالي شهد حبيبتي ... شهوده الله يخليج سويلي كذا
ساعتها وبعد مااسمع هالكلمه بقوم وانا طايعه وانا راغبه اني اخدمه واعطيه عيوني اذا يبي
ليش لانه قالي كلمه حلوة
اشترى خاطري بكلمه طيبه
هذا هو السحر الحلال

بقولك سالفة عجوز اسمها ام محمد
هالعجوز سالفة حارتنا كل عجيز الحارة يغارن منها ويسولفن عنها
يقولن عمره ابو محمد مازعلها
عمره ماسافر وتركها ولا تزوج عليها
ولاعمره سهر برة البيت مع الشيبان بالدوانيه
وحتى بالدوانيه احيان يجيب طاريها
ويقول اذا كانت مريضه الله يشفيلي ام محمد ويقومها بالسلامه
حتى قدام الرجاجيل ولايستحي من هالشي

يوم انشدو هالعجوز عن هالسر بعلاقه دامت سنين بينها وبين ابو محمد
قالت عمري ماسمعتوه الا الكلمه الطيبه
اذا قال شي قلت سم ولبيه
اذا شفتوه حتى لو كنت طفشانه قلت لوه هلا ومسهلا
ماعمري كشرت بوجهه ولاعمري سمعتوه كلمة تجرحه
هذا هو السر
لاسحر ولاشعوذه لجذب الزوج
كلمه طيبه تغني عن حرام واقتراف كبيرة من الكبائر

في قصه قد سمعتها
هي خرافيه لكن مغزاها كبير
يقولون في وحده نصت له دجال تبيه يسوي له سحر محبه
يخلي زوجها يحبها
قاله الساحر عشان اسويلج السحر لازم تجيبين شعرة من شنب الاسد
الزوجه ماكذبت خبر وراحت للغابه واقصى طموحها تجيب الشعرة عشان رجلها يحبها
حاولت بشتى الوسايل مع الاسد
مرة بالحيله وبالخطط ... مافاد
مرة بالقوة ... مافاد
حاولت تفاجئه .. ولافاد
اخر شي جربت اللين
جته بالكلمه الطيبه ...
جذبته بحكيها المعسول ... بابتسامتها
بلمستها
الين اخر شي عطاها الشعرة عن طيب خاطر ...!!
راحت للمشعوذ وقالت لوه انا سويت اللي علي
الباقي عليك ..
تدري وش قاله المشعوذ:
قالها انتي قدرتي على اسد بسحرج
ماتقدرين على زوجج
المره عرفت ساعتها وش قصد المشعوذ
وان السحر بيدها مو بيد ساحر ولاغيرة
هي قادرة تجذب رجلها والا تنفرة


اما بالنسبه لغيرة الرجال على محارمه
اقول الله يعافينا
اول خلنا نفرق بينه وبين خواته وبعدين يجي طاري الغيرة والحميه
والله يانبض المعاني ماعاد تفرق بين الرجال واخته
اثنينهم حواجب مطيرة
وطوق مطوق لرقبه
وشارب منتوف

اسفه على الاسهاب
لكني راعية طويله
وموضوعك يحرض على الكلام

يعطيك الف عافيه ولا هنت