[عناد العجمى]

قصيدة منقولة
وللأسف ماعرف أسم شاعرها

بعض الليالـي تحد القلـب وتسوقـه=
=يختار برجوم صدري.. راس شاهقها
وإليا رقا به ولجلج...لـج صندوقـه=
=لجة ذياب طواها الجـوع وارهقهـا
تشابه البارحـه والعيـن مسروقـه=
=هم الولايف... وهم الوقت سارقهـا
ياطولها.. والسهر طبيت في سوقـه=
=أعد ساعاتها.... واحسـب دقايقهـا
على هنوف... من الخفرات زملوقه=
=تمشي على الهون والفتنـه تسابقهـا
ريمية.. مـن دفاها النـار مخلوقـه=
=يذوب ثلج الشتا.. من حـر منطقهـا
ياحيها بالدلـع.. والملـح مفروقـه=
=الرب.. عن باقي الزينـات فارقهـا
ياثقلها..وإن بغيـت آقـول مطفوقـه=
=إليااقبلت مزنـة.. والغـي بارقهـا
تشتال ليل علـى المتنيـن وتشوقـه=
=ياحلوها... لارمت به فـوق عاتقهـا
وياحلوها كان شفت الخـد وبروقـه=
=والشمس هي والقمر سكان مفرقهـا
لااغضت بعين أشقر ترقا به اسبوقه=
=شاف الحمامه مع الصقار واطلقهـا

العين من ضربة الرمشين مصفوقـه=
=كن أنشط إعداي من هالخلق صافقها
سميت عليه ومن تحته ومن فوقـه=
=من خوف رمح الحسد والغل يزرقها
تتل قلـب العنـا... ويتـل معلوقـه=
=لولا ظلوعي ترده... طـار لاحقهـا
ولاكل مطرودة.. من البيض ملحوقه=
=وإلا حرام عليـه.. يـوم أفارقهـا
وش خانة العشق عاشق خان معشوقه=
=لاواعذابي على اللي صرت عاشقها
يلومني.... من جهل بالحب وطروقه=
=ماذاق حمر..بـلاي اليـوم ذايقهـا
ماذاق كاس الهوى.. وابتلت عروقـه=
=لاصار ظامي.. وبنت الريم عانقهـا
مرتاح... روحه من التلويع معتوقـه=
=ماجاه من شفت بالديـره... وعلقهـا

منقول