الهجوس اللي على كف شيطان مريد=كن عنتر بدة العالم ايطبلها
كل ماشاشت تقفيتها هل من مزيد=واستزادة والهقاوي تزين دلها
آحداها فوق عفرى مثل حر هديد=فوق غاربها خطامي وانا فطن لها
بكرة ماساقها الا العقيد بن العقيد=ياعميل الخير قبل تحداها خلها
دونها لباسة الجوخ مزبان الشريد=جعل ديرتهم مخال صدوق يعلها
ورثو عروة شداد وتاريخ مجيد=لابة ماشفت فوق الثرى ند لها
آطرف وعيل بفعايل عوير يستزيد=شايب قاد القبيله وشال اسم لها
آتنومس بسم جدي جعل عمرك مديد=وآتصدى للنوايب وانا ولم لها
وانت لك ربع تجمل ومنطوقك يصيد=والجزاله عندكم كثرها من قلها
لو ندور للجزاله على الساحه عميد=مالقيت الا انت يامسندي تحتلها
يامقر العرف جدك مخاشر كل فيد=له خيار الفيد وعرافته دون لها
شايب يفصل ويخلص وله راي سديد =كلمته لي بحلو أهل الحجج عود لها
وخالك اللي دون ذوده عقل رجله بقيد=لين رجع عوص الانضى وهو منصى لها
هادي بن ذيبان صيده من اجزل كل صيد=رد عوص البل لحاله وهم ورد لها
وانثنى من دونها ثم غدى الطارد طريد= الله يعز المخاليق والله ايذلها
كل شي فوق وجه الثرى لازم يبيد=كون وجه الله والاعمار به وقت لها
لوتريد آريد والله يفعل مايريد=انت من فوق الهقاوي وانا قد لها
والرساله جات عجله مع ساعي بريد=صغتها وآضن نصف البشر جند لها
تشتكي يامحزم الجنب من خشف عنيد=الغرام يتل قلبك لها ويتلها
والهوى ورق يغني على غصن الجريد=لوتلاحي الصوت صوت الجفى صوت لها
لكن ابشر بي لو الموت في حبل الوريد=يارفيق ذي علومه وأنا شفق لها
حن رحى همهم خوالك واخذني لك عضيد=والعباد الي تحث الركايب قلها
كانها بالفعل فاضرب بسيف من حديد =كم حفيق عقبنا ديرته ماحلها
وكانها بالمال جبنا لها مال الوليد=الحمول الكايده لجلكم نشتلها
النصايب قيمة العز والمال الزهيد=والحياه اجهاد والاالعيون نخلها
يافهد وقت الحميا اخذ علم وكيد = تر خوالك لابة ماخلق ند لها