مع السلامة كفاني منك ماجاني = ياللي حروفي على كيفك تفسرها
قلبي صفالك ولا به واحد ٍ ثاني = والعين لاجلك عن المرقاد مسهرها
أخلصت لك بالغلا من كل وجداني = واخذت الاسرار ماضيها وحاضرها
جيتك وانا للغلا والشوق عطشاني = واسقيتني لين حالي زان ناظرها
أفرح بشوفك وتفرح يوم تلقاني = حتى كتاباتك افرح في خواطرها
جرحتني لين جاء حرفك وداواني = داويت نفسي وطابت كان تذكرها
واليوم ترجع وتجرحني وتعصاني = حتى يميني بربي ماتقدرها
يابنت والله كثير اللي تمناني = والناس للناس تحكي عن مشاعرها
لكن قلبي لكم يابنت وداني = والله مافيه غيرك من تخيرها
وان كان ودك على الفرقى تحداني = يابنت انا عزتي ماني بخاسرها
وان كنت تسمع كلام فلان وفلاني = العشرة اللي كذا بالله تقصرها
بحاول انساك وانت ارجوك تنساني = من يوم شك القلوب اعمى بصايرها
تعبت واتعبتني بالشك يافلاني = ماباقي إلا دموع العين تنثرها
ودي تدور جزاء الاحسان باحساني = والكلمة الطيبة مني تذكرها
الله يسامحك بعد الحب – الاحزاني = ياللي حروفي على كيفك تفسرها
تقبلوو تحياتي 