حبيت احط بين يدينكم هذه المتواضعه ..
الشاعر اللي ما يطوّع قوافيه .... هذا ماهوب شاعر ولا فيه ذرّه
والشاعر اللي جرّته ما تداويه .... يا طر جيبي طرة(ن) فوق طرّه
هذا ماهوب شاعر ولا من عوانيه .... هذي تسمى بعض الاحيان عرّه
واللي يبدّي حاضره فوق ماضيه .... الله يكافينا من اسباب شرّه
والشاعر اللي طيبات(ن) معانيه .... يستاهل الطيبه ولله درّه
والشاعر اللي مستميت ابمباديه .... يآتيك منه خير فوق المسرّه
والشاعر اللي رافعاته رشاويه .... الله يسوّد شيفته بالمضرّه
وانا اعرف بحور الشعر من موانيه .... واعرف اجيب الجزل تسعين مرّه
ومره اجيب الجزل ومره حراويه .... ومرات تصغب فكرتي واتشرّه
يالله ياخالق محمد وباريه .... قدرني بشعري وخلني مقرّه
وسلامتكم ..