بسم الله الرحمن الرحيم
السلام عليكم وكل عام وانتم بخير بعد التحيه
هاذي مرثيه فالمرحوم الشيخ/جويعد بن حسين الدامر رحمه الله
يايام ودعتو صحيب اليتاما=خلو اليتاما والفقارى يصيحون
والدمع وان غرق وجيه النشاما=في ساعتن فيها الرياجيل يبكون
من البكا راحت ظلوعن حطاما=حتى الأجانب شوف عيني ينيحون
كلن يصيح وقال ياحي عاما=والله يريد وعارفن وش تريدون
والهرج عود همهمه وازدحاما=ماعاد تدري ويش خلقه يقولون
خيم على الوادي سواد الضلاما=والدار كنها خاليه مابها لون
مرحوم ياشيخن بفعله تزاما=الشاهد الله والخلايق يعرفون
ياما تعب لجل رضا الله وياما=ومن يرضي الله عنه الناس يرضون
في طاعة الله حول ستين عاما=في روضة المسجد مع الي يصلون
طيب وتواضع للبشر واحتراما=وعطف وحسن اخلاق لناس ممنون
جعل السحاب الي سيوله تزاما=تجنب من الصفرا مسيره على الهون
وينبت على قبره زهور الخزاما=وتباركت دارن بها العود مدفون
وجعل العوض بعده رجالن نشاما=الي على فعله ونهجه يسيرون
على النبي ازكى صلات وسلاما=هذا الصحيح وقولو الي تقولون
الشاعر/مبارك بن سالم بن فويران المري