[فيصل بن حجرف]

المشاركة الأصلية كتبت بواسطة الجديد القديم

يعطيكم العافيه ومشكورين على المجهود الاكثر من رائع

واشكركم على مقابلة العم الهيلم ابو ورده رجل من رجال العجمان المعروفين

ولن ازيد على كلام الشاعر في قصيده طويلة اذكر بعض ابياتها

ومن رافق الطيب فلا منه منشود =يفخر ابطيب افعاله الي فعلها
ورفيقنا الهيلم علي الهون والكود =عسا حياته يطـول الله مهلها
مدام أبو مشعان ذخرن اوماجود = منا ثقيلات النوايب حملها
الهيلم شريف الرأس والساس وجدود =كل المراجل نالها واكتملها
سعد الرفيق الي من الوقت مضهود =شيال صعبات النوايب فحلها
مطلق سجينن دونه الباب مردود = فكـاكـــــــها لــمن صكت اقفلها
الهيلم موطي راعي الجور والزود = مقعد الروس الطاغية من ميلها
ماضي فعايل من قديماً له اشهود =لانشــفت لرياق ويبـــس بللــها
هو الشجاع الي بلا قدام معهود = لاعســــمت لريا الهيلم بطلـــها
لاجا نهاراً فية وارد اومارود =وشربت من حياض المنايا نهلها
مشروبها من دم الابطال قرهود =فتخان الايادي هم علايف اسللها
في ساعة حس البنادق له ارعود =وتمطر مثل روس الاصابع وبلها
صنديد في صفحات الامجاد معدود = أعلى مكانة في المراجل نزالها
بحر الندا خصم العدا معدن الجود = كل المكارم ينضربه مثلها
وهو الحكيم الي لة العلم مسنود = لاثقلت القالة الهيلم جملها
تم الجواب الي على ساس وبنود = مصيون من خجل المعاني اوهزلها

مرحبا ومسهلا اخي القدير والله لايهينك على الكلام الطيب
ويستاهل ابو مشعان المدح
وصح لسان الشاعر
بس مقلت لنا منهو