نسيتني؟؟ علّمنـي شْلـون ابنسـاك=في هالزمن.. نسيان الاحباب عادي!!!
وشلون لامرّت علـى البـال ذكـراك=وطيفك سرق منـي لذيـذ الرقـادي
وشْلون لاقالوا لي الناس وش جاك ؟=من كنت فـي لّـذة منامـك تنـادي
وشْلون اعيش اللـي بقالـي بليّـاك=لا من غدينا كـل واحـد بـوادي !!!
لو قلت اداوي جرحي اللـي تباطـاك=ماكلّ جـرح يْفيـد فيـه الضمـادي
اعلنـت حبـك ليـن كـلٍ تمـنـاك=غلطة وغيري من خطـاي استفـادي
لو لي مثـل قلبـك تمنيـت فرقـاك=واكيد قبلـك بالجفـا صـرت بـادي
حلـوه عذاريبـك وحلـوه مزايـاك=حتـى بيـوم فراقنـا كنـت هـادي
كنّ الليالـي ودهـا تكسـب رضـاك=وأنـا يطـول مـع الليالـي جهـادي
في ذمتـي ماهـي غريبـة خطايـاك=مبطي وقلبـك لـو تنبّهـت غـادي
سهلة على من كان مثلـك وشـرواك=مثـل الثيـاب يغيـرّون المـبـادي
علمنـي اكـره ذكرياتـك وطريـاك=وانسى من الليله صدوق الـودادي !
ولاني بقايل عقبهـا ويـن ابلقـاك ؟=راضي لو ان جروح قلبـي جـدادي
ولاّ القصايد جعلهـا مـن فدايـاك ؟=لبّستهـا مبطـي ثيـاب الـحـدادي
باكر على المخطي يـدورنّ الافـلاك=ونشوف من يصعب عليـه البعـادي
اكتـفي الان وانشالله تــرون المــزيد ((لمــتعب التركــي )) هنــــــــــــــا...!