[عقاب]

قصيدة لا يكتبها سواه ,, بتوقيعه وبصمته الخاصه

ماجد بن مهنا

( الأسطوره )


يا ابو حمد قصّر على (ابو نوره) = مانيب متنومس ولا طرباني
والا طفه... ! ماني من جمهوره = ماالله عطاني حب ذا الاغاني
وعطني رقم (فوزيه الدكتوره) = يومين والنوم ازهمه ماجاني
دقيت والله يرحم الفاتوره = وردت وقالت مرحبا يا (هاني) !
قلت انا (ماجد) !! كفيت البوره = وقالت معانا فاصلن أعلاني
وأنتظرت وفي دماغي فوره = وعوّدت واسترسلت أشجاني
(ألو ! وكيف الحال ؟ ومشكوره) = امحدثك جرحه عميق وثاني
قالت اشعندك ؟ وقلت اكسوره ! = وقالت وش اكسوره ؟ وقلت احزاني
قالت وش اتخربط ؟ وقلت الثوره ! = قالت فديتك راجع النفساني !!
وانقطع خطي وهُمش دوره = ولا اكسبت فيني عمل أنساني
لكن بآعلم هل المقصوره = خانني التعبير وما أمداني
الكسور ! بخافقي من جوره = اللي جرفني صوبه وخلاني
عساه يشوف الدمعه المقهوره = ويبرّق ابجرحي وفي جنحاني
والحزن ! حزن الفكر يا مأموره = رح قله ان (ماجد) عليك اوصاني
واشعل فتيل الثوره المحظوره ! = لا تجعله من ما يكن ايعاني
(الشاعر اللي مانكسر طابوره) = قد قلتها في شعري الوجداني
(والشعر في جوفي يدن انجوره) = كلن طمع في بكرتي وحصاني
لكن من يجرؤ من المعموره !؟ = محتمي لولويّ ومرجاني
شافوني اغلب ربعي الأسطوره = خليفة (الدندان) و(الودعاني)
خلدت من اقوالي المأثوره = بيت من بدعي ومن قيفاني
(أن لم يكن لي وقع في المعموره = فأقطعوا رأسي وقصوا لساني )


ماجد بن مهنا

و س ل ا م ت ك م


عقاب