السلام عليكم ورحمة الله وبركاته
من القلب اتمنى ان يريضيكم ما وضعته بين ايديكم
الغيمه اللي لاح بارقها على روس الجبال = كنها تجاري في مطرها يا خلايق دمعتي
ولا معي كون القصايد والهواجيس الثقال =حيث القصايد عندي اغلا من غلاوة حلتي
في ذمتي مارحت ادور عنك ياطيف الخيال= ولا ترجيت الوجيه الكاذبه في ذمتي
ماهوب حب الكاذبات اللي يكيدون الرجال=ولا اقترفت اذنوب تجعلني رهينة دنيتي
كلن يدور للكمال (وما لغير الله كمال)= وانا وربي ما رسمت الحسن خارج غطوتي
ربي خلق فيني الحيا واردا عذاريبي جلال=ولو ما عرفت الصح لا يمكن اماشي غلطتي
ابني من ارسوم الفكر واحات في صدر الرمال=واسافر بذيك النجوم اللي تعانق هقوتي
واقول يالحلم البعيد اقرب تعال اقرب تعال=متأمله وانظر (وربي ما يخيب نظرتي)
يا (ذاك)ياجزل البلاغه ماتخف من الهبال =يكفيني اني في جهالة نفسك القا عزتي
ماني بذيك الخايفه يالصيف وابحث للظلال=انظر قبل ما امشي واثمن في طريقي خطوتي
متعمرده في قسوتي لي صار في الوضع اختلال=واقرب معاريفي يشاهد طيبتي في قسوتي
متميزه في ثورة احساسي ولا فيها جدال =للي يدلعني ويسرق من عذابي بسمتي
الله يالعشق الالهي يالغرام ويالوصال=واحساسك الصادق وكلمة وين راحت طفلتي
البيتين الاخيره ... في الوالد الله يحفظه
اختكم البنت الجزله