عجميه وأفتخر
الله يعطيش ألف عافيه
وأتمني ان تتقبلي مني بصدر رحب
القصيده وزن وقافيه شلون انتي ماتلتزمين بالقافيه بالصدر وتتلتزمين فيها بالعجز
هذا من ناحية القافيه فيه بحر او بحرين من بحور الشعر ماتتلتزمين بالقافيه الأولي
( الصدر ) يعني يبقي مفتوح للشاعر مثل هذا البيت من قصيدة الشاعره مشاعر حالمه
وهي علي بحر الصخري
انا مدري وش اللي صار فيني=حزن وآهات واهمومٍ تجينـي
انا كل مابغيت اسلـى اتذكـر=حبايب في خفوقي ساكنينـي
انا قلبي على الماضي تولّـع=يبي شوف القلوب اللي تبيني
تعب واشتاق ودقّاتـه تغيّـر=مثل دقّات عـود المطربينـي
يحـنّ وحنّتـه فيهـا تونـنّ=يخلّي من قسى قلبـه يلينـي
ياحلو ايامنا اللي فات منهـا=احس بفقدها شوق وحنينـي
انا مشتاقه يايمـه وشوقـي=تعدّى شوق كـل العاشقينـي
يعني البيت الاول علي نفس القافيه ( فيني - تجيني )
والبيت الثاني يكون الصدر ( حر ) والعجز ملتتزم بنفس القافيه
هذا من ناحية القافيه
أما الوزن هو اللحن أذا قدرتي تغنين القصيده علي اي لحن جره او اغنيه
فهي تعتبر موزونه
مثل ( يقول من عداء علي راس عالي )
علي اللحن المعروف
والقصيده وزن وقافيه فإذا لم يكتمل بها الوزن او القافيه لاتعتبر قصيده بل تعتبر خاطره
أتمني اني قدرت افيدش بشي
وان شالله اقراء لش قصيده في صدي المشاعر والكل يشيد فيها
ودعتش الله وأسف علي الإطاله