هذه القصيده في رجل المواقف الشيخ / سلطان ابن سلمان ابن حثلين
صلوا على النبي
على الله بدينا واتكلنا خضـوع وديـن=وكلـن رفـع يمنـاه وأشـر بسبـابـه
على الله رجانا دايم ًفي العسـر والليـن=ولا خـاب طلابـه ولا خـاب طلابـه
وانا مؤمن بالله واخافـه ليـوم الديـن=ومثلي على درب السّنع يشعب اركابـه
اعرف الحرار ولا علي من غراب البين=وراع الوفا عِرفه على راسي اعصابـه
يقولون علـم الغيـث والطيبيـن يبيـن=كلامٍ موثق والعـرب تحسـب احسابـه
على راعي الوقفات سلطان ابن حثليـن=سلامـي سـلامٍ سلّـم المجـد يرقابـه
سلامٍ سليمٍ مسلـمٍ بيـن قلـب وعيـن=من القلب ينطق بـه لسانـي ويبدابـه
ترى المدح لاهل المدح مافيه شور اثنين=والى شفت فعل السيف تدري من انصابه
ابيك العريب ابن العريب اعرب الجدين=له النعم غصب وطيب لاعـدوا انسابـه
عريبٍ صعيبٍ فالمهمات واحمر عيـن=لياكبـرت القالـه وكـلـن تعـزوابـه
ليا قلت ياسلمان كـل العـرب داريـن=له البيض ترفع في حضـوره وفغيابـه
ياغالين لو ماقلـت تـدرون ياغاليـن=وتراكم تعرفون الغـلا وشهـو اسبابـه
ياشجعـان ياكسابـة النعـم ياوافـيـن=لامن شيّدوا بيت الكرم فانتـوا اطنابـه
لكم هيبةٍ من عصر راكـان لاهلحيـن=نماري بها من عصر راكان واصحابـه
على عصر سل السيف والرمح والسكين=الين اصبحت ذالحيـن مدفـع ودبابـه
اقوله وانا مـن لابتـن فاللقـا صلفيـن=هل الموقف اللـي كـل قـومٍ تحاكابـه
اهل مرحبا بالموت والموت وينه ويـن=صبينا على صوت الزهم يفقد اعصابـه
الا صيحـوا فهشـام ماعندنـا بعديـن=رجالٍ علـى ماقيـل للـروح جلابـه
نشكل معاكم في وجيه العـدى صفّيـن=ذيابـه والا منّـا فزعنـا مـع اذيابـه
بني عمكم لاعـوّد العلـم بيـن وبيـن=نهـد الحـرار وكـل حـرٍ ومخلابـه
كلامٍ يعرفه قاصـي النـاس والادنيـن=وشيبانـك ادرابـه وشيبانـي ادرابـه
بقى حاجةٍ وحده لسلطان ابـن حثليـن=ابااقولهـا لـه نطـق بلسـان وكتابـه
كتبت المفيـد ومابقالـي سـوى بيتيـن=تهقويت فاللـي سِعـد منهـو تهقوابـه
عريبٍ صعيبٍ وافـيٍ جامـع الثنتيـن=شجاعٍ يحـب المـوت ومشـرعٍ بابـه
علي الحرام انك كما السيف ابو حديـن=ورجلٍ سواتك لاحضـر يعتبـر لابـه
وسلامتكم : لـ سـالم بن جخير