تعبت من القصيد .. من الجروح .. من انتظـار طـال ... تعبت استقبل طعـون الزمن .. واربت على كتفــــــه
تعبت من الكلام .. من السكوت اللي يهد ّالحــــــال ... تعبت أكثر من الحــــزن الذي .. ما ينتهـي عزفـــه
تعبت من الوعود .. من الصديق الطيّب المحتــال ... تعبت أعرف كل اللي .. تعرف النـــاس بالصدفــه
تعبت من العدو اللي عجز.. يدخل معي بقتـــــــال ... تعبت من الظــــلام اللي قتلت .. ولا لقى حتفــــه
تعبت أسأل من المخطي ..؟! تعبت اردّد المــــوّال ... ما دامك ما سـقيت الزرع .. ما لك حق في قطفـه
تعبت القى الجواب المقنع اللي ماعليه جــــــدال ... تعبت القــــى .. طـريقٍ ما يكون بآخـره شـتــــفه
تعبت اضفي على الصوت الحبيبه وردتين وشـال ... تعبت اسـمع صــــدى شامت يردّد طاحت الغدفــه
تعبت أغـازل البسمه على ثغر البكـا .. تخـتـــال ... تعبت أشـوف شوفي ينهــــزم .. رغمٍ على انفـه
تعبت اجامل ايامي .. ولو ورّتنـي .. الأهــــوال ... تعبت أقـول عن حملٍ ثقيــــل .. اتفه من الأتفـه
تعبت أهـزّ راسي غيـــــظ ! والقى في يديّ اغـلال ... تعبت أسـير خلف الوهم.. لو غيري ركض خلفـه
تعبت أشـد وانزل.. ما ظهـــــر لي طيّـب المنـــزال ... تعبت من الـــــدروب اللي مشيت .. وكلّها صـلفـه
تعبت أرسم حروفي شمس.. والمح بالوجيه ظـلال ... بعض ناسٍ .. تعـرف النور .. بس تقول ما تعرفـه
تعبت وقلت كل اللي اظنّـه " يا فهـــــد " ينقــــال ... تعبت ابغــــى القط انفاســي .. اذ لابد من وقفـــه
//مساعد الرشيدي//