[صمــت اليتــاما]

\



كتبت هـ القصيده بعد سماع قصيدة الشاعر/ محمد ابن حمد ابن فطيس المري
في برنامج شاعر المليون والتي مطلعها:



اقـــــــول لها وقــــد طارت شعاعا
من الشعار ويحـــــك لن تـــــراعي


فقلت:

وأنا ابن فطيس تظهرني ذراعـي=كفو يابـو حمـد ذرب المساعـي
كفو ياعاسـف جـزال المعانـي=ليا عاصت على غيرك وضاعـي
تخزم جـزل المعانـي وتخطمهـا=ومدارات الفكر عنـدك وساعـي
ليا صعبت على الشاعـر ولكـت=وفي الأسهاب ماعـاد استطاعـي
تجيك احلى القصايد مثـل وابـل=قنيـفٍ لاح برقـه واستشـاعـي
رعد فكرك بها وأملى على ايـدك=وصرنا غصب نحسن لستماعـي
يوم ان غيرك اذا غنى وسولـف=اغيًـر موجـة البـث الأذاعـي
لأنـك شاعـر ابـداع وجزالـه=وأيضاً شاعـر الدفـع الرباعـي
بيوت الشعر مـن فكـرك تدًفـق=نهر جزلات مـن دون انقطاعـي
وأنا جيت امدحـك لأنـك سلالـة=رجـال ماتصيـد الا السبـاعـي
ظهرت وبـان نجمـك واحتميتـه=بجزل ابداع واصـرارٍ شجاعـي
ولا استغرب عليـك انـك مميـز=حسب فكري ورأيـي وانطباعـي
أبيك الرمز لـك وأنـت احتذيتـه=حسب عرفـي بأبيـك واطلاعـي
وجدانـك هـل الوقفـات تثبـت=بساعات الحرايـب والصراعـي
مثل قول ابن سمرة في المرضف=يخلي الهجن تقبـل كـل ساعـي
وحن ربعـك لمـا ضاقـت لفينـا=تضيق افجوج الأرض من الفزاعي
اقوله بأسم مري وأسـم عجمـي=وأسم يامـي يلبـي كـل داعـي
وأنـا يامـي وأمثـل آل مطلـق=امثلهـم بـصوتـي واندفـاعـي
ياكم مـن موقـفٍ بـه جملونـي=لما ضاع الحكي والصدق شاعـي
وحن ابن فطيس وأبن فطيس حنا=لمـا نـادى نلبـي لـه جماعـي

للشاعــــر : عايض ال مطلق

منقـــوله