راحـت مـن يدينـي كـذا وانـا انـاظـر فــي يــدي
لا قـادر اوصـل دربهـا ولا قـادر اقـوى بعـادهـا
حسيت يوم افراقها كـن جسـدي ماهـو جسـدي
مثل الشعوب اللي تحـس غربـة وهـي ببلادهـا
قولـو لهـا محتاجهـا والـشـوق حاديـنـي حــدي
تعبـت مــن كـثـر السهر..البـعـد نفـسـي بـادهـا
ضاع جهدي فـدوة لهـا لـو منهـا ضـاع جهـدي
أحــط مـوعـد وانتـظـر يمـكـن تـجـي بميعـادهـا
هـي بـس ترجعلـي وانـا نـذر علـي اذبـح فــدي
واني ماعـاد انسـى ابـد تاريـخ عيـد ميلادهـا !
ازعلتها وكان السبـب تافـه مثـل وجـه الـردي
إنــــي نـسـيــت أبــــارك لـلــفــرح بـعـيـادهــا !
تطور الموقف وأنا ما كنت فـي الموقـف هـدي
كابـرت أنـا ومثلـي هـي بـعـد كـابـرت بعنـادهـا
الحـق معهـا واعتـرف والحـق مـا والله يغـدي
والغلطة ما تحسب على اللي لا غلط ما عادها
قولولهـا يشـهـد عـلـي اللـيـل والـجـرح الـنـدي
ساعـة عطتنـي ظهرهـا والقلـب يصـرخ نادهـا
وان كانها عيت تجي وراحت ورى البعد تعـدي
الله معاهـا بـس تقـول البـعـد وشـهـو فـادهـا؟؟
واذا سكتت أو دنقـت او طالعـت صـوب الجـدي
تــراه ودهــا بالـرجـوع وعنـادهـا مـــا قـادهــا
خلوهـا لـي وأنــا أجــي أحــط يـدهـا فــي يــدي
وكـان العنـاد براسهـا أبــوس راس عنـادهـا!!
صح السان الشاعر
وصح نقلك يا ورده
أختيار رااااااااااائع
لكي أجمل تحيه