صلوا على النبي
لا صرت منت بوفي توفي وتستافي = وتقدر الناس والرجال وظروفه
وش هو له اتعب معك ياهيه ياهافي = النفس ماهي على شرواك مكلوفه
في مامضى كنت احسبك صاحبٍ وافي = يشيل طبع الوفى في راحة كفوفه
اثريك ثرثار لا رايح ولا لافي = جحّاد ماتذكر الصاحب ومعروفه
كافي مجامل واظن اللي حصل كافي = صبر الكويتي تعدى ديرة الكوفه
تبيّن الخافي اللي من زمن خافي = وصارت خوافيك يامغرور مكشوفه
لاشك خذها نصيحه واستمع قافي = مايتبع الشوفه الا واحدٍ شوفه
يغنيني الله وانا شاعر ومتعافي = اترجم احساس شعري واكتب حروفه
حفيد عود وعلي المشلح الضافي = حفيد عودٍ تشوف الموت بسيوفه
والا انت هرج المره يجيبك اكتافي = مخبورةٍ فيك من مبطي ومعروفه
حراااام منته سنافي منته سنافي = لو غترتك فوق ذاك الراس منسوفه
جعلك فدا الشيخ ابن هادي وابن شافي = ياواحدٍ فالخلا يهزهز كتوفه
استغفر الله تقل في راسك إشعافي = والمشكله تحسب ان الناس مشعوفه
ياللي نواياك ماهي بيض ونظافي = بعلمك بالخبر واكتب لك حروفه
كانك زعلت وتعكر جوّك الصافي = تعال طاير وطق براسك الطوفه
وسلااامتكم