[ابو راكان *]

السلام عليكم ورحمة الله وبركاته

اقدم بين ايديكم هذا النص الشعري اللي اتمنى انه يلاقي استحسانكم

واعتذر عن غيابي في الفتره السابقه





هذا القلم جنبي ويابعد العطر == وشلون اعطر ما احتوى به دفتري

المعذره هذي القصيده في خطر == فيها خلل فني عظيم وجوهري

تخيلوها ناقصه من ذالشطر == 00000000000000000000

نقص الشطر يشطر قواعدها شطر == وبعد العطر يفري معانيها فري

اقرب مثال الليل لامعنت النظر == ونجمه تبارق برقة الماس وزري

ماله حلاه الا معى ضي القمر == مايكحل الناظر كريه المنظري

والعود الازرق مايفوح بلا جمر == والعود الاخضر لارتوى غض وطري

والمبتدئ ماله غناة من الخبر == القاعده شذت عن اللب الوري

قلط يابو الاسود وهات المختصر == حيثك على علم النحاة مسيطري

عندي لك علومن وازيد من الشعر == بيتن بقوله لك في بالي يخطري

خاطبت انا شعري على وصف الذكر == واعرف تراه انثى وزينه مبهري

وبقول لك جمله يذريها السطر == بقولها يومن حالي منبري

كان البدو تشفق على ذكر المطر == والبرق لامن لاح تجري له جري

انا اطرب اليا شفت براق النحر == على بذر قلبي مزونه تمطري

يحيي هشيم لاعب فيه الدهر == وفياض قلبي تستفيض وتزهري

ياذا العطر منت بجماد الا بشر ==ياماسسن شرع الفراق العنصري

يا احلى صواديف صفطها لي القدر == من بعد ماني للصواديف احتري

ياصانع امجاد وفتوحات ونصر == في وسط قلبن لك غدى مستعمري

وعروق قلبي طوع لولات الامر == واللي يعصاك افتيت بانه مكفري

يستاصل وعبره لمن لايعتبر == ينفى من بلادك بعد ماينهري

لاكن يابو الاسود ترى الموضوع سر == لاحدن على سري يصيح ويجهري

بشري العطر لو اارد حياض الفقر == لاني بعطر ما احتوى به دفتري

لا والله الا دفتري هذا عذر == ودي بعطر للخواطر يجبري



وسلامتكم