هذا القلـم جنبـي ويابعـد العطـر
وشلون اعطر ما احتوى به دفتـري
المعذره هذي القصيـده فـي خطـر
فيها خلل فنـي عظيـم وجوهـري
تخيلوهـا ناقصـه مـن ذالشطـر
00000000000000000000
نقص الشطر يشطر قواعدها شطـر
وبعد العطر يفـري معانيهـا فـري
اقرب مثال الليـل لامعنـت النظـر
ونجمه تبارق برقة المـاس وزري
ماله حلاه الا معـى ضـي القمـر
مايكحل الناظـر كريـه المنظـري
والعود الازرق مايفوح بـلا جمـر
والعود الاخضر لارتوى غض وطري
والمبتدئ ماله غنـاة مـن الخبـر
القاعده شذت عـن اللـب الـوري
قلط يابو الاسود وهـات المختصـر
حيثك على علم النحـاة مسيطـري
عندي لك علومن وازيد من الشعـر
بيتن بقوله لك في بالـي يخطـري
خاطبت انا شعري على وصف الذكر
واعرف تراه انثى وزينـه مبهـري
وبقول لك جملـه يذريهـا السطـر
بقولهـا يومـن حالـي منـبـري
كان البدو تشفق على ذكـر المطـر
والبرق لامن لاح تجري لـه جـري
انا اطرب اليا شفـت بـراق النحـر
على بذر قلبـي مزونـه تمطـري
يحيي هشيـم لاعـب فيـه الدهـر
وفياض قلبي تستفيـض وتزهـري
ياذا العطر منـت بجمـاد الا بشـر
ياماسسن شرع الفـراق العنصـري
يا احلى صواديف صفطها لي القـدر
من بعد ماني للصواديـف احتـري
ياصانع امجـاد وفتوحـات ونصـر
في وسط قلبن لك غدى مستعمـري
وعروق قلبي طوع لـولات الامـر
واللي يعصاك افتيت بانـه مكفـري
يستاصـل وعبـره لمـن لايعتبـر
ينفى مـن بـلادك بعـد ماينهـري
لاكن يابو الاسود ترى الموضوع سر
لاحدن على سري يصيح ويجهـري
بشري العطر لو اارد حياض الفقـر
لاني بعطر ما احتـوى بـه دفتـري
لا والله الا دفتـري هــذا عــذر
ودي بعطـر للخـواطـر يجـبـري
صح السانك يا أخ خالد
قصيده روعه
لك أجمل تحيه