اخوتي الكرام أمل منكم الدُعاء لوالدي بالرحمة
عيني اللي من المشاريف كن فيها قذاه = كن في كبدي من الوجد حمالة سفود
ياوجودي كل ماشرفت عيني (الحلاة 1)= شفت دارك ياصبح الوجه عادك في الوجود
والدي ياريف ربعه وياريف اقصراه = ياحكيم الرأي يا الشهم يالمرقا الكأود
والدي يا حصن الايتام يا سبر اخوياه = ياعديم فوق الاجناس جنسك فيه زود
والدي يامنبع الجود يا غيث الحُفاة = يابشوش الوجه يالقرم ياطب الكبود
يا غناة اللي يدور على مجد الغناة = يا كريم تمقت الشُح بالغالي تجود
والدي يانور عين الذي يتبع عصاه = كم ضعيف زار بيتك ورقيته سنود
ليت من مثلك يخُلد على طول الحياة = انت مامثلك يُدثر على غبر اللحود
الله يوسع لحودك على رحمة رضاه = والله يجمل مآلك قبل قول الشهود
1الحلاة موقع كان والدي نازل بقربه
هنا القصيدة بصوتي
__________________
الحمد لله