شيخة عتيبه هي قصيده قالها الشاعر بديوي الوقداني العتيبي والقصيده لها قصه
والقصه
تعرض الشاعر بديوي الوقداني لمضايقات من ابناء عمومته العتبان فكان كلما اتي الي احد من ابناء عمومته ودخل عليهم في مجلسهم تضايقوا منه واذا تحدث مع احدهم ردو عليه بلمجامله فتضايق وذهب الي العراق وعندما ذهب الي العراق
ولم يرا احداً يبغصه ولا يحقد عليه هاضت قريحته وقال هذه القصيده الرائعه وارسلها لابناء عمومته
ايامنا والليالي كم نعاتبها=شبنا وشابن وعفنا بعض الاحوالي
توعد مواعيد والعاقل يكذبها=واللي يعرف جدها من عدرها سالي
ان اقبلت يوم ماتصفي مشاربها=تقبل وتقفي ولادامت علي حالي
في كل يوم تورينا عجايبها=واليوم الاول تراه اشوا من التالي
جربت الايام ومثلي من يجربها=تجريب عاقل وشاف المر والحالي
ايام في غلبها وايام نغلبها=وايام فيها سوا والدهر ميالي
نضحك مع الناس والدنيا نلاعبها=ونمشي مع الفي طوعن حيث مامالي
كم من علوم وكم من اداب نكسبها=والشعر مازون مثقال بمثقالي
اعرف حروف الهجا برمز واكتبها=عاقل ومجنون حاوي كل الاشكالي
لاشك حظي ردي والروح متعبها=مافادني حسن تاديبي مع امثالي
قوم اليا جيتها صكت حواجبها=تبديلي البغض في مقفاي وقبالي
وقوم اليا جيتها رفت شواربها=بالضحك وقلوبها فيها الردا جالي
ماكني الا مسوي حال مغضبها= والكل في عشرتي ماكر ودجالي
ياحيف تخفا امور كنت حاسبها=واللي على بالهم كله على بالي
والروح وش عذرها في ترك واجبها=راح الحسب والنسب في جمع الاموالي
عفت المنازل وروحي يوم اجنبها=عنها غنيمه وفيها البعد اولى لي
لاخير في ديرة يشقي العزيز ابها=يمشي مع الناس كله هم واذلالي
دارن بها الخوف دايم مايغايبها=والهم فيها ومعها بعض الاحوالي
جاعت سراحينها وشبعت ثعالبها=والكلب والهر يقدم كل ريبالي
عز الفتي راس ماله من مكاسبها=يامرتضي الهون لاعزن ولامالي
ذليت بروح لين ارخصت واجبها=وانا عتيبي عريب الجد والخالي
قوم تدوس الافاعي مع عقاربها=لها همتن تدوس الشامخ العالي
كب المنازل وخل البين يندبها=يبكي عليها بدمع العين هطالي
ماتعمر الدار والقالات تخربها=بيع الردا بالخساره واشتر الغالي
والناس اجانيب لين انك اتقاربها=تكون منهم كما قالوا بالامثالي
والارض لله نسعي في مناكبها=وقد قدرالله ارزاق واجالي
حث المطايا وشرقها وجنبها=واقطع بها كل فجن دارسن خالي
واطعن نحور الفيافي مع ترايبها=وابعد عن الناس تمسي خالي البالي
من كل عنريتن تقطع براكبها=فدافد البيد درهام وزرفالي
لومت في ديرتن قفرن جوانبها=فيها مواطي سباع القبس مدهالي
اخير من ديرتن يجفاك صاحبها=كم ذا الجفا والتجافي والتملالي
دوس المخاطر ولاتخشى عواقبها=الموت واحد وبعد العز يحلالي
ان المنيه اذا مدت مخالبها=تدرك لو كنت في جو السما عالي
ماخلت الاسد في عالي مراقبها=تسعي للارزاق ماهن مثل الاشبالي
والشمس في برجها والغيم يحجبها=تقبل وتقفي ولها في العرش مجدالي
رب السماوات يامحصي كواكبها=يامجري السفن في لجات الاهوالي
الله علي مزنتن هبت هبايبها=رعادها بات له بالبحر زلزالي
ريح العوالي من المنشا اتجاذبها=جذب الدلي من جبا مطويت الجالي
ديمومتن سلبت وارخت ذوايبها=وانهل منها غزير الوبل همالي
تسقي ديار عزيز القوم حاربها=ماعاد فيها لبعض الناس منزالي
ياجاهل اسمع تماثيلن مرتبها=فيها معاني جميع القيل والقالي
شبه الدنانير تزها في قوالبها=في صرفها زايد عن قرش وريالي
وياربي توبه وروحي لاتعذبها=يوم القيامه ليا قلة بها اعمالي
وازكي صلاة علي المختار نوهبها=شفيعنا يوم حشرن فيه الاهوالي