[الجوود]

مل قلب دوبه الهوجاس في صبـح iiوعشيـة
كل مـا كنـه تريـح زاد همـه iiوإنشغالـة


لا فقدت الهم مثـل اليـوم عاودنـي iiقفيـة
وأستلمني هاجس كن له على صدري iiوكالـة


صرت أسير للهموم وصرت للهاجس ضحيـة
كل هاجوس ليا من راح جاء الآخـر بدالـة


هلت العين العبـار وضاقـت الدنيـا iiعليـه
من هواجيس لها وسط الحشا صاله iiوجالـه


يا وجودي وجد من خصمه وزيـر iiالداخليـة
كل ماغـط بمنامـه ليـن ذا نايـف قبالـه


فز مثل الغافل اللي مونـسٍ لـه حـر iiكيـه
وقام يجفل في ظلام الليل حتى مـن iiظلالـه


عسكري دهواه حظه وابتلى فـي العسكريـة
ما يبيها غير ما يبغـى يفـرط فـي iiحلالـه


وشاءت الأيام بأنه يتهـم لـه فـي iiقضيـة
من قضايا ما تفيد بهـا الوسايـط iiوالكفالـة


أتهموه بذبحت إثنيـن مـن أفـراد السريـة
عينوهـم ميتيـن ولا لقـوا غيـره iiلحالـه


بصم المجني عليه وعينـوا بصمتـه iiزيـه
واثبتت على الضعيف وطاح في حكم iiالعدالة


وصدر القصاص حكم الشرع في نفسٍ iiبريـه
بري منها بس ما عنـده ثبـوت ولا iiدلالـه


وجد حالي وجد من يبكي على فرقـا iiوخيـه
ما خبر غيره عضيد ولا بعد كبـروا iiعيالـه


والسنة دارت وهو ماذاق له عيشـة iiهنيـة
والشهر دور السنة من موتته شعشع iiهلالـه


كل ما عرض على قبره بكت عينـه iiشقيـة
ما جداه إلا البكاء والنـوح لامنـه iiطرالـه


يتذكـر جلسـة معـه وروحـات iiوجـيـه
ويتذكر فزعته لامن حصل في الوقـت iiمالـه


حالتي بعض الليال أخس مـن حالتـه iiذيـه
لا تذكرت الزمان اللي قصـر دونـي iiظلالـه


ما تحقق لي طموح ولا تحقـق لـي iiمنيـه
والظروف القاسية ما بين ميلـه iiواعتدالـة


كل ما ظنيت ظـن وكـل مـا نويـت iiنيـة
قصر الحظ الردي من دون مطلوبـي iiحبالـه


ولا تمنيت المطالب في عشـي ولا iiضحويـة
ما حدِ قد نال مـا يبغيـه فـي يـوم ولالـه


قد تعرضت المسافـات الطـوال السرمديـة
ولا اعتنزت إلا على رب البشر جـل iiجلالـه


ممتحني عاد عمري عشر أو ينقص iiشويـه
لين حتى إني كبرت وشفت جوره iiوإحتيالـه


ثـم دهانـي علـةٍ مالـي عليهـا iiمقدريـة
علة من طاولته وضدتـه مـا طـاب iiفالـه


أعتلقني حب ملهوف الحشى جثـل iiالزويـة
كل ذا زودٍ على ما مر مـن حمـل iiوعبالـه


جادل تعجـز توصفهـا الحـروف iiالأبجديـة
ابتليت بحبها وأصبحت فـي غـي iiوظلالـه


اسحرتنـي بالعيـون وبالخـدود iiالنرجسيـة
كان به سحر حلال فوالله إن ذا مـن iiحلالـه


بدويـة لعنبـوا زيـن علـى غيـر iiبدويـة
لعنبوا جمال غير البدو واللـي هـو iiجمالـه


أشهد إن الزين لا جاء في البدو لـه iiقابليـة
وأشهد إن الشين في البدوان ما يطرا iiمجاله


بعدها قم يا نديبي فوق حمـراء iiصيعيريـة
ما عليها إلا الشداد وراكب معـه iiالرسالـة


نصها ديرة هـل المجمـول مجلـي الثنيـة
خبر المجمول عن حالـي وخبرنـي iiبحالـه


قل له إني من نهاره راح وأنا أرجي iiمجيـه
ما قطعت اليأس من شوفه والأ من iiوصالـه


وقل له إن حبه على طول الزمن دين iiعليـه
يحسب إني داله عنـه وأنـا مانيـب iiدالـه


والله إن أموت ما سجيت وإن أكتب iiوصيـة
ورحمة الله ما تقصر دون مخلـوق iiيسالـه


دامني ما أخطيت وأعرف وش علي ويش ليه
فالعرب ما ينسلم من حكيهم في كـل iiحالـه


و يالله إنك لا تواخذنـي بذنـب ولا iiخطيـه
وتغفر ذنوبي يا عالم دق ذنبي مـن iiجلالـه


وتلطف بقلب جداه الهم في صبـح iiوعشيـه
كل مـا كنـه تريـح زاد همـه iiوإنشغالـه