***
***
***
الله يـقـطـعـك يـالـجــوال وارســالـــك=يومـك تجيـب الرسـالـه والغـثـى لـيـه
مكتـوب بعـد السـلام وشلونهـا حـالـك=تـعـال صـفـر الـــدلال الـيــوم ممـلـيـه
وصلـت انـا منزلـك ولبـيـت مرسـالـك=دعــوة رفيـقـي تــرى مـاهـي بعـاديـه
قـال اقلـط الــدار يـافـال السـعـد فـالـك=يـاحــي قـــرم لـفـانـا مـاخـلـق زيــــه
جلست فـي مجلسـه والاجـودي سالـك=في عرض الاجواد مدري ويش داعيه
فــلان والله ترى مايساوي نـعـالـك=واحـذر مـن فـلان طبعـه يشبـه الحيـه
وفلان لـو تعطيـه كـل الزيـن ماوفالـك=لـو تنفعـه رد لـك المـعـروف بالسـيـه
قلـت اقطـع الهـرج الله يقطـع اشكالـك=نفـسـك عـلـى غيـبـه الاجــواد مبلـيـه
تغـتـاب عـمـك ومــره تحتـقـر خـالـك=سـوالـفــك كـلـهــا يــافــلان سـلـبـيـه
ياشيخ ماني اخـوك ولا اصغـر عيالـك=أسـتـأذنـك يـــاردي الـنـفـس والـنـيـه
مـع السلامـه تـرى مشـروب فنجـالـك=لاتنتظـر مـن جنـابـي صـوبـك الجـيـه
الشاعر طراد السويدي الشمري