بعد الغيبه
اتمنى قبولها
ماخاب ضن اللي نصاني وجاني=يزهل اموره لوّني مابغيته
مادام شخصه خصني في مكاني=مجبور احقق كل حلمه وليته
لاشك فعل الطيب مثل الضماني=عند الكريم اللي ينومسك صيته
وكم واحدن لامن بغيته جفاني=كنت احسبنه فعلي اللي جنيته
الله يقطع وقتي اللي حداني=والله يقطع ساعتي يوم جيته
اثر الاناني طول عمره اناني=مابدله قصرن بطيبي بنيته
الطيب داخل خافقي واحتواني=والغيض من دفتر حياتي محيته
واللي نصاني فالمواقف لقاني=واللي شراني يالنشاما شريته
وانا حفيد مدورين السماني=بالهرج والا فعلهم لاطريته
تهتزله لابدان قاصي وداني=هذا صحييح ولي فخر لا حكيته
ياللي تناسى صاحبك لولاني =وانا احسبنك وافيّن مانسيته
ياكم نرفعلك حمول الزماني =وياكم دربن من غلاتك مشيته
رفيق وقريّب وغالي وعاني=وحقه علي في ضيقته ماجفيته
عنه انا من دون قرع السناني=ولاغاب انا من دون عرضه وبيته
ماله علي مشروه كانه نصاني = وحقه علي في لازمن ماقضيته
تدرون لو الوقت يرجع ثواني=يدفن على راسي وانا مانصيته
والله يقطع حظي اللي لواني=والله يقطع ساعتي يوم جيته
وسلامتكم