[(هاوي قصيد)]

مسا الخير

تمر السنين اربع لا يومن ولا يومين = ولا ارخصت من شانك؟ ولا ارخصت من شاني

وتمر السنين اربع سنينٍ تجر اسنين = وانا في هواك اعيش مسلم ونصراني

والا يا كمال الزين والله عطاك الزين = غلاك الذي يجري بدمي وشرياني

احبك وانا والله لعيونك الثنتين = ابيع العمر لو كان ماربي احياني

ولو حرموا فالشرع والدين واهل الدين = لفتوى بن عثيمين واحكام للباني

فانا ميتٍ خلقه ولاني من الحيين = ياحبن ترترع في ضميري ووجداني

وانا ابيك قربي وانت غالي ومن غالين = تناوشت بيبانك وفكيت بيباني

لك الحب كله من ضحا الامس لا ذالحين = وهو شي من وحي الطبيعه ورباني

عسا الله لا يحرم عيوني بشوفك لين = تنصب على صدري كفوفي وذرعاني

اراعي نجوم الليل والهجع الممسين = تحلوا لها الاحلام فالعالم الثاني

وانا ساهرٍ ليلي ولا لاذ طرف العين = ياكون بخيالٍ جابنيلك ووداني

يعيش الغلا من حين اول لا اخر حين = غلاً لا ستوى ضوح المخاييل سراني

تمر السنين اربع لا يومٍ ولا يومين = ولا ارخصت من شانك ولا ارخصت من شاني

وسلامتكم