مسا الخير
ابيات متواضعه راجي ان تنال اعجابكم ,,,
جعل شوف البر بعد شوف المدينه = من بلا الازعاج مايرتاح بالي
سجةٍ تشفي غثا النفس الحزينه = لو تحاوطها اسى سود الليالي
ارتح وريح من همومٍ دفينه = كرسع المتكا على حمر الزوالي
حي جوٍ فاح ريحة ياسمينه = والرفاقه من جنوب ومن شمالي
ولا طرالي صاحبي ويا سنينه = استوى الواقع مع الحلم الخيالي
ويش ياقلبٍ عليك الله ودينه؟ = ماتخليني كذا؟ لحالي لحالي؟
ياخفوقٍ حط ماتملك يمينه = لجل مايلحقه شكٍ واحتمالي
كن ياقسواه ولا روف لينه = عند قيس ابن الملوح والهلالي
كله لعينا وليفٍ كن جبينه = بارقٍ ممسا وعادإله اشتعالي
ويش يازينه ليا من قلت زينه؟ = ماخذٍ كاس الغلا على التوالي؟
اعشقه وان قلت انا ويني ووينه = ما بقا عندي اجابه , لسوالي؟؟
عندها ؟ وانا ابي فرقا المدينه = لا عرض طرفي عن الدرب الموالي
وسلامتكم