صبحكم الله بالخير جميع ..
مصافحتي الاولى ستكون بهذه القصيده تلبية لرغبة بعض الاخوان ...
ياليل لاتشره علي ان شفتني ادرى الدموع = والله ماصدق متى تضوي علي واهلها
لاصرت انا لحالي بعيد امن الرفاقه والجموع = اهل عبراتي على كيفي وانا شفق ٍ لها
ماودي اصغر في عيون اللي غدولي كالدروع = وانا الذي فعيونهم اعلها واحلها
اهلها من جور دنيا ً همها بين الضلوع = لاهي صفت لي بالرخا ولا خذت شي ٍ لها
جارت علي بفراق مزيون الثنايا والطبوع = اللي فداها دنيتي على حياتي كلها
ان اقبلت افرح كما طفل ٍ يبا يوم الربوع = ون روحت حزني كما أم ٍ بكت غمر ٍ لها
واللي مثيلي لو حياته لوع يتلا اللوع لوع = ماضاق مادامه يشوف مناته ويوصلها
جارت علي وزودت لكنْ في الدنيا قنوع = اصبر واقول الله يزينها عساها علها
دنيا ردى قد حدت الرجال للذل والخضوع = وابن الردى تعطيه من خيراتها ويفلها
لكني ان ضاقت علي صليت وبقلب ٍ خشوع = واخلي الدنيا على ماتشتهي وافطن لها
بس انت لاتشره علي ان شفتني ادرى الدموع = والله ماصدق متى تضوي علي واهلها
..