السلام عليكم
هنا محاورة مفراص ودافنشي
مفراص الحديد
سـلام تسليمـه وفـا تبـرد الكبـد=وتحرم على الصانع وتحرم على العبد
والحـر لامنـه طلـع نفـج الربـد=وما قل دل وزبـده الهـرج نيشـان
الذيب شرف على المرقب وقام يعوي=له نيةٍ بالمفالي يـوم جـر العـوى.
دافنشي اليا ورد صدر وهو مرتـوي=واليوم لامن ورد صدر وهو ما روى.
ليو ناردو
يامرحبـا ترحيبـة ٍ كنـهـا الكـيـف=في مجلس اهل الطيب في واجب الضيف
والاولــه والثانـيـه للـعـواريـف=ماقـل دل وزبـدة الـهـرج نيـشـان
المرقب اليا لطمه السيل خطر يهوي=وماكل ذيب ٍ عوى يقدر على مانوى
دافنشي اليا ورد معروف باسه قوي=فل الدفاتر عشان احط لك مستـوى
مفراص الحديد
دام البقى بك يا المرحب عدد ما=جادت مزون الوسم ثم هلت الما
الليل ضلما وانت ساري بضلما=وما قل دل وزبدة الهرج نيشان
السيل يلقى زبارٍ يشربه يـا الخـوي=والذيب لامن نوى عن مانوى ما غوى.
ضاع القوي في طريقٍ ياعرب ملتوي=وازرا يشوف الطريق اللي عليه التوى
ليوناردو
الجو يامفراص هادي وصافي=وشعيل ماهو للحمول الخفافي
عطني علومك لاتروّح عوافي=ماقل دل وزبدة الهرج نيشان
الذيب لامن عوى زويت خشمه زوي=والاّ الزباره تراب يطير ويّا الهـوى
ان قلت بانك سوي باقول منت بسوي=وان قلت بإنّي مضيّع قلت مالك لوى
مفراص الحديد
الجو يا العراف عجت شعوفـه=والظاهر انك ياولد مـا تشوفـه
عسى مخاسيرك عليك مخلوفـه=وما قل دل و زبدة الهرج نيشان
الذيب لامـن عـوى يلويـك والله لـوي=والله خلقكم سوى لكـن مانتـم سـوى.
ان قلت ماني سوي فاقول انا لـك يـوي=وان كان تشكي مرض عندي لمثلك دوى.
ليوناردو
الشعر ياهل العرف فـن وتقاليـد=وعندي نصيحه كان ياخذ بها عيد
مفراص دون اللعب يحتاج له قيد=ماقل دل وزبدة الهـرج نيشـان
انت الذي قلت بانك ذيب يصوي صوي=والوصف لايق عليك بكل شي ٍ حـوى
ياعد مفراص قلّي وش بعد تحتـوي؟=خيّبت ضن الضمان اللي لجالك ضوى
مفراص الحديد
يا ربعنا شوفوا حداكم يقديه=دافنشي الليله ترى الله معميه
ما يفتهم للهرج وازريت انا حيه=وما قل دل وزبدة الهرج نيشان
الخبل خبلٍ وفي عمياه يدوي دوي=انا بنجران والصاحب بعين الجوى.
العد عد الروى والغيث فالمنشوي=ما حس بالكيه الا جاهلٍ وانكوى.
ليوناردو
ياربعنا ياهل الوفا والعوايد=العذر دام الليل مابه فوايد
وانعوضكم باذن الولي بالجدايد=ماقل دل وزبدة الهرج نيشان
نجران بيت ٍ على ساس الكرم مستوي=مايسكنه غير منهو للجـزال اهتـوى
القاف شيّب وتمت بيـن ربـع وذوي=وشعيل ماله بحملتها لـو انـه قـوى