جـــرح / غــــير
الجرح هذا غير..ما بيه يبرى..!!=رغم الألم والآه..مغلاه مغلاه!!
حطّه وليف الروح للروح ذكرى=او يعتبر للقلب آخر هداياه
في داخلي للضيق عتمه وغدرا=وآحس هذا الجرح يضوي زواياه
و احس به يكتب عذابي ويقرا=بين الضلوع العوج اقسى رواياه
وآخذ مع ذكراه..روحه ومسرى=واغفا على التنهيد..واصحى على الآه!!
ودمع المحاجر سيل..والخد مجرى=وجْبال همّي باْول القلب واْقصاه
وجه الزمن عابس..والايام غبرا=وضيّعت حظي بينها..كيف بلقاه؟!
علّمت نفسي كيف تصبر وتضرا=تضرا وترضا في قدرها وتقواه
اغليت انا جرحي..وانا اللي به ادرى=حطّه وليف الروح للروح..واْهداه
الجرح هذا غير..ما بيه يبرى..!!=ما دامني عايش..اباعيش وياه!!
الشاعر / سعيد الأحبابي