"]
قصيده للشاعر محمد عباد السلولي
امس العصر عالي المرقاب شرفته
لاني بطرب ولا لي حاجة فــــــــوقه
لكن من ضيقة في البال ولافــــته
ادله القلب لا ينتل معلــــــــــــــوقه
وفيها تذكرت ابو فراج واختـــــــرته
اللي بصرف الجواهر حامي سـوقه
نوادر الشعر عاشقها وعاشقـــته
يجنيه جني الثمر من زاهي عذوقه
يا مسفر القلب عذبني وعذبـــته
عيا يوالف زمان كاثر بـــــــــــــــوقه
لا قلت يا قلب جاملني وجاملــته
عيا على سلمه الاول وطـــــاروقه
كم مجلس جين عاني له وجنبته
لو ان كبدي على المجلاس محروقه
لا شفت بعض الاوادم فيه ما طقته
الجاهل اللي لسانه يضرب شدوقه
متشيخ في مساكين مزعمــــــته
زعامة بين عارية ومســــــــــــروقه
لوان بعض العرب يبقى على سمته
حافظ على مستواه وحفظت حقوقه
الرجل مادام صامت جمله صمـــته
ولا احد درى عنه ويش اللي بصندوقه
واليا تكلم معك لحظه وكلمـــــــته
حددت شخصيته لا اوحيت منطوقه
وتزداد به معرفه لا جيت جربـــــته
في موقف يرجع الرجال لعمــــــوقه
هذي معاناة قلب شام من وقــته
ما هي توجاد معشوق لمعشــوقه
وصلاة ربي نهاية كل ما قلــــــته
على النبي عد نو ناضت بـــــروقه
رد الشاعر/ مسفر بن فراج المنيعي الأكلبي:
يا الله يا اللي خلقت ادم وصــورته
ومكونه لين سار الدم بعــــــــــروقه
يا خالق الكون من لا شي وكونته
ومسير السحاب وبا امرك تســوقه
تفرج لعين لذيذ النوم عايفـــــــته
كثير الاوقات حلو الــنـوم مــا اذوقه
واللي جبرني على ما اخفيت واعلنته
رسالة شرحها وافي ومـــــــــرفوقه
من شاعر خاطري طرب لسالفــته
ورسالة اللي ما ابيه اقول ملحـــوقه
اللي تشوفه يا ابن عباد قد شفته
باسبابهم شف عباة الناس مشقوقه
بعض الرجاجيل نطقة قد معــــرفته
وتروح مستامنه في علم ويبــــــوقه
تلقاه مع شلة دايم موالفـــــــــــته
على علوم الردى ما هيب مسبوقه
يزعم بروح على ماش مزايمـــــــته
ما غير لمروجين الهرج ما ســــوقه
مجالس الطيب عايفها وعايفـــــته
عساه مرواح طير قطعت سبوقه
واقبل تحيات من بالرد كلفـــــــته
على مجاراة مثلك زايد شــــوقه
يا اللي ما خليت شي ما تطرقته
سوالف من مصادر ناس موثـوقه
وصلاة ربي عدد ما زاف من نبته
في مرتع عقب سيله زاف ملوقه
على النبي عد ما تقرا وغيبته
واعداد ما كل عود شرب بعروقه
09-05-2011, 02:19 AM
العرض العادي
