دفنت الغرام بخافقي والقلوب اسرار

[مانع بن شنيخ]

دليل المحبه شوف عيني عليـك تغـار
ولاودي الحاسـد عيونـك يطالعهـا
مع إنك رحلت بعيد لكن بقى التذكار
ليا شافتـه عينـي تسابـق مدامعهـا
دفنت الغرام بخافقي والقلوب أسـرار
مشاعر هقيـت إن الليالـي تضيعهـا
فرحت برجوعك ماطلبت لخطاك اعذار
ونفسي تناست ماجرى من تواضعهـا
تهادت مشاعر خاطري لك بلا معيـار
تجاهلتهـا لوكنـت خابـر دوافعهـا
يقولون جنّب درب مالك معه معبـار
يلومون نفسن بعد الاحباب موجعهـا
يقولونها قبلـي يخـون البحـر بحـار
والامواج لا هاجت خذت ماتبي معهـا
تكاثرت منك الصد وأثر العلوم كبـار
لقيتك على نفسي تقلّـب مواجعهـا
اقوله وأنا اللي شفت ذاك الغلا ينهـار
يشوف الندم رجّال نفسـه يطاوعهـا
مثل ماضرب جّون خلا غادي محتـار
يدّوج ورجله مادرى ويـن موقعهـا
تعرض سموم القيض والدار مامـن دار
هليك وشعر بالموت روحـه ينازعهـا
جحدت الغلا لين امتلا بالخفوق وثـار
قصايد عساها اليوم تطرق مسامعهـا
غرامك مثل نارن حطبها الغلا والنـار
تموت وغلاك اللـي بقلبـي يولعهـا
غلاك بضميري واضحن ماعليه غبـار
تشيل الغلا نفسي وأنا عاجـز امنعهـا
يقولون ماودعّك قلت الفراق وصـار
والإنسان روحه تنسلـب مايودعهـا
هذيك الليالي وين وأثر الزمـن دوار
خذاهـا ولاظنـي زمانـي يرجّعهـا
طوتها السنين ولابقالي سوى التذكـار
ليا شافتـه عينـي تسابـق مدامعهـا

[Aq9aK..~bShr]

.


صـح لسآن من قآلهـآ . .



لأآهـ،ـنت . .~

[العــــديم]

يقولون ماودعّك قلت الفراق وصـار
والإنسان روحه تنسلـب مايودعهـا
هذيك الليالي وين وأثر الزمـن دوار
خذاهـا ولاظنـي زمانـي يرجّعهـا

صح لساان قايلها
ولاهنت ع النقل الراقي

[خالد بن نفل]

هذيك الليالي وين وأثر الزمـن دوار
خذاهـا ولاظنـي زمانـي يرجّعهـا
صح لسان شاعرها
ولاهنت على النقل الرائعـ

[أبو بارق اللهيبي]

دفنت الغرام بخافقي والقلوب أسـرار
مشاعر هقيـت إن الليالـي تضيعهـا
صح لسان شاعرها وناقلها قصيدة جميلة

[مانع بن شنيخ]

بشر والعديم وخالد وابو بارق عطرتم صفحتي بمروركم الكريم