عيّت ظروفي لاتحقق منايا

[محمد أبو زيد]

السلام عليكم

كيبورديه قديمه , آمل ان تفوز برضاكم

يالله ياعالم بخافي النوايا = اجب دعاتي يامجيب الدعاوي
ادعيك وارجي لاتخيب رجايا = ألطف بـ حال(ن) من عنا الوقت ثاوي
عيّت ظروفي لاتحقق منايا = اظروف وقتي يخلف(ن) الهقاوي
امن اولا اشوف نجم بـ سمايا = واليوم نجمي من سما الكون هاوي
امن اولا أقدم ولا ارجع ورايا = واليوم انا راجع سريع الخطاوي
اتسوقني الاقدار سوق المطايا = وانا لها مطواع ماني بـ قاوي
قالوا لي اصبر قلت مابه بقايا = الصبر ينفذ من حياة الرجاوي
وقتي كذا والحظ زوّد شقايا = الايام دوّاره وحظي شقاوي
يالله ياعلم بـ خافي النوايا = ألطف بـ حال(ن) من عنا الوقت ثاوي

وسلمتــــــــوووا

[ابوحمد الشامري]

يا سلام عليك يا شديد الباس صح لسانك يا السنافي قصيدة رائعه.

ابوحمد الشامري

[كويتيه]

صح لساااانك
ماشالله قصيده روعه اولله

[ابوتركى]

صح السانك شديدي لباس
على القصيده الجميله

[كويتي]

صح لسانك وتسلم يميـــنك على ما كتبت

كويتي

[اطياف الماضي]

وقتـي كـذا والحـظ زوّد شقـايـا
الايـام دوّاره وحـظـي شـقـاوي
يالله ياعـلـم بـخـافـي النـوايـا
ألطف بـحال(ن) من عنا الوقت ثاوي


صح لسانك اخوي

قصيدة رائعة ابدعت في صياغة حروفها

تحيتي

[محمد أبو زيد]

ارحب يابو حمد


صح ابدنك , ولاهنت على المرور

[محمد أبو زيد]

كويتيه


صح ابدنش , ولاهنتي على المرور

[محمد أبو زيد]

ابو تركي


صح ابدنك , ولاهنت على المرور

[غريب الروح]

شديـــد الباس ...

جزله جزله ولا هنت ... ولا تبخل علينا بجديدك ...وانا من المتابعين لك في فن المحاوره ..وجعلك تحيا . وافي فيها كلها ..تقبل تحياتي ..ودمت بكل الود