أعلنت حبك لين الكل تمناك ....

[عيون الطنايا]

.


.




نسيتني علّمني شْلون ابنساك
في هالزمن نسيان الاحباب عادي

وشلون لامرّت على البال ذكراك
وطيفك سرق مني لذيذ الرقادي

وشْلون لاقالوا لي الناس وش جاك ؟
من كنت في لّذة منامك تنادي

وشْلون اعيش اللي بقالي بليّاك
لا من غدينا كل واحد بوادي !!!

لو قلت اداوي جرحي اللي تباطاك
ماكلّ جرح يْفيد فيه الضمادي

اعلنت حبك لين الكلٍ تمناك
غلطة وغيري من خطاي استفادي

لو لي مثل قلبك تمنيت فرقاك
واكيد قبلك بالجفا صرت بادي

حلوه عذاريبك وحلوه مزاياك
حتى بيوم فراقنا كنت هادي

كنّ الليالي ودها تكسب رضاك
وأنا يطول مع الليالي جهادي

في ذمتي ماهي غريبة خطاياك
مبطي وقلبك لو تنبّهت غادي

سهلة على من كان مثلك وشرواك
مثل الثياب يغيرّون المبادي

علمني اكره ذكرياتك وطرياك
وانسى من الليله صدوق الودادي !

ولاني بقايل عقبها وين ابلقاك ؟
راضي لو ان جروح قلبي جدادي

ولاّ القصايد جعلها من فداياك ؟
لبّستها مبطي ثياب الحدادي

باكر على المخطي يدورنّ الافلاك
ونشوف من يصعب عليه البعادي
.


.

[الاصيله]

صح لساان الشاااعر

ولاهنتى يالغلاا ع النقل الرااقي

تقبلي مروري وتحيااتي لج

[*ابوخالد*]

صح السانك والسان شاعرها

[عيون الطنايا]

المشاركة الأصلية كتبت بواسطة الاصيله

صح لساان الشاااعر

ولاهنتى يالغلاا ع النقل الرااقي

تقبلي مروري وتحيااتي لج

صح بدنتس ولاانتي
تسلمين على المرور الطيب

[عيون الطنايا]

المشاركة الأصلية كتبت بواسطة *ابوخالد*

صح السانك والسان شاعرها

صح بدنك
لاهنت

[شموخ شايبها]

كل بيت اجمل من الثاني

لاهنتي يالغاليه وصح لسان شاعرها

[خالد بن نفل]

صح لسانش ولسان شاعرها
ولاهنتي على الاختيار الرائع
وتقبل مروري

[عيون الطنايا]

المشاركة الأصلية كتبت بواسطة شموخ شايبها

كل بيت اجمل من الثاني

لاهنتي يالغاليه وصح لسان شاعرها

ولا أنتي فديتس
صح بدنتس
يسلمووو

[عيون الطنايا]

المشاركة الأصلية كتبت بواسطة خالد بن نفل

صح لسانش ولسان شاعرها
ولاهنتي على الاختيار الرائع
وتقبل مروري

صح بدنك
ولا انت
وتسلم على مرورك