ألا يا وجودي

[*ابوخالد*]

ألا يا وجودي وجد من فارق الخلان
على صاحبٍ طوّل غيابه ولا جيته


كوى قلبي النسيان والصد والهجران
ولا فادني ممناي يوم (ن) تمنيته


زرعنا ورود الطيب والخير والإحسان
ولا بان في عينه وفاي اللي أوفيته


وفينا وتجملنا ولقّى الوفا نكران
تناسى فعولي اللي حشى ما تناسيته


مشينا مع الشيخان في سكة الشيخان
وحسبته من الخير على كبر صيته


رميته في دروب المهاليك والاحزان
وكرهت الطريق اللي يوديني لبيته


ولا فادني كثر التوجّد وأنا حزنان
ولا فادني وقتٍ معه فات وأفنيته


أغوص البحر وأهدي له الدر والمرجان
وهو يزرع الحنظل وياكّلني الميته


زرعنا له من الخير ومن الوفا بستان
وبيت الشقا دكيت ساسه وهدّيته


وشلنا سيوف الهم من قلبه الكدران
وسيفي على خصمه نزعته وسلّيته


وبعد ما وقف وأصبح له اسمٍ رفيع وشان
نكر كل خير وكل معروف سويته


ألا يا وجودي وجد من فارق الخلان
على صاحبٍ طوّل غيابه ولا جيته

[●• Ŝђǿǿq •●]

تِسًلم‘يَمِينًكـ ..~

[الـعـابـر]

صح لسانك ولسان شاعرها

[عيون الطنايا]

هالله هالله
صح لسااانك
لاهنت

[*ابوخالد*]

المشاركة الأصلية كتبت بواسطة ●• Ŝђǿǿq •●

تِسًلم‘يَمِينًكـ ..~

كل الشكر شوق على المرور

[*ابوخالد*]

المشاركة الأصلية كتبت بواسطة الـعـابـر

صح لسانك ولسان شاعرها

كل الشكر العابر على المرور

[*ابوخالد*]

المشاركة الأصلية كتبت بواسطة عيون الطنايا

هالله هالله
صح لسااانك
لاهنت

كل الشكر عيون الطنايا على المرور