الجرح ينزف والحبايب بعيدين

[(جساس)]

الجرح ينزف والحبايب بعيدين
والنفس طابت من مشاوير الاحباب

لاصاروا الأحباب ماهم حريصين
أحسن نصك الباب ونقفّل الباب

يمكن تغيب اسبوع والا اسبوعين
لكن ثلاث شهور ماظنه غياب

وليا اتصلت تقولي دق بعدين
وبعدين هاذى بلا عد وحساب

الله يعين اللي جنى الشوك..ويعين
قلبٍ جروحه ماتعالجها الاطباب

يااااعين وش باقي من الدمع ياعين؟
يوم ان قلبي طاااب والجرح ماطاب

(أغراب) جينا للمحبه سعيدين
ورحنا نشيل الحزن ونغني (اغراب)

لو عن جميع اللي يبي يصير دارين
ماكان جينا كلنا شوق وعتاب

لكنها صارت ورحنا حزينين
نبكي على اللي صار والدمع سكاب

لاحلمٍ اتحقق ولا مستفيدين
ضعنا ورى الاحلام ونقول الاسباب

ياوين ابلقى راحة القلب ياوين
دام الزمن جحّاد والحب كذاب

أوضح مسافاتي بليا عناوين
واقوى طعوني طعنة يدين الاصحاب

شلت الجفا بيسار والجمر بيمين
ولااصعب من الثنتين ياكود الاتعاب

وانا تراني واحدٍ من ملايين
ياكثر من ودى وياكثر من جاب

ابتغانم مابقالي من سنين
يوم ان قلبي عن دروب الهوى تاب

[عيون الطنايا]

الله الله صح لساااانك
ولاهنت
تحياتي

[الـعـابـر]

صح لسانك ولسان شاعرها

[خالد بن نفل]

صح لسانگ ولسان شاعرها
ولاهنت على الاختيار
وتقبل مروري

[*ابوخالد*]

صح السانك والسان شاعرها