يـا مـِجَنـْنـْة الـكـويـت !!

[محمد بن جمشان]

جيت لك مخصوص يا دمع النداوي=في قصيده واحفضيها بيت ..بيت

الجريح اللي لواه اليوم لاوي=شلّته رجله على درب الكويت

المصايب يالكريمه والبلاوي=سايرتني مثل ظلي لي مشيت

والظروف السود والحظ الشقاوي=قيّدتني لين من غبني عويت

مشكله لي كان لك وجهٍ سحاوي=والله ان يوصِلْك للوضع المميت

تحسبين اني هجرتك والهواوي=ما نساك وما هنا ليل بمبيت

( والله انّه شبِّ بدل العود جاوي !!=من هواجيسه ودخّن كل بيت )

ماكل العشبه لهد كبد المداوي=وانكويت بحسرتي لين انتهيت

وحن قلبي حن شرياف العراوي=لي عليكم يا مِعَذبْتي سريت

والله انها لي سرت ماني بضاوي=كون بك وآنا محمد ل... اعتزيت ؟؟

ياقراحٍ منه لا ماني براوي=بعد موتي يمكن انطق لك رويت

ياغزالٍ لجلها صوت العزاوي=ردده شريان قلبي لين جيت

من غلاها جيتها ماني بغاوي=بالقصايد لين تاخذ كل صيت

( ايه انا بدوي واذا ودك شواوي=كل ما هبّت تعزويت وتليت )

لك مراسيلٍ تهجج كل غاوي=ولو جفاني الوقت والله ما جفيت

مانضيّع أمنياتك والهقاوي=دامك انتي سلعتي فآنا شريت

ولجل دمعك تنقلب كل الفتاوي=فوق تحت.. وتنقلب لك ( آتكيت )

يعني لو كنت بكلام الحَضْرِ ناوي=جبتها لك بالكويتي ( كيت .. كيت)

مُختصر هذا الغرام ابلا ملاوي=بيت صادق قبل ما قوله بكيت

((( اجمل النسوان عندي ما تساوي=صِبْعِ رجلك يا مجننة الكويت )))

[عـزام]

لله درك يا محمد

أبدعت


وأجزلت



صح الله لسانك من هنا لى ماله مدى


سلمت يمناك لا عدمناك

[ابوتركى]

مانضيّع أمنياتك والهقاوي
دامك انتي سلعتي فآنا شريت

ولجل دمعك تنقلب كل الفتاوي
فوق تحت.. وتنقلب لك ( آتكيت


صح السانك اخوى على الابيات الجميله

[صـــمتا]

صح والله لسانك اخوي ..

لن اقوول سوى ابدعت ...

دعواتي لك بالتوفيق ...

[مـحمـد]

الاخ العزيز الشاعر محمد بن جمشان

صح لسانك على هذا الابداع

والزين مايجيب الا الزين

بانتظار جديدك

[فيصل بن حجرف]

صح لسانك اخي الكريم محمد بن جمشان
والله لا يهينك على القصيدة الرائعة
وننتظر منك المزيد من القصائد الرائعة

[محمد بن جمشان]

الاخ الكريم عزام علا وغلا فيك وصح الله ابدانك

لاهنت كلي شكر


محمد جمشان

[بحوور]

محمد بن جمشان



يا هلا ومسهلا والله ,,

وصـــح كــــلك ملاييـــــن

ولاهنـــــــــت ,,




تحيـــــاتي وتقديــري

[الجويّر]

يسلملي ابداعك يامحمد وصح لسانك






تحياتي / الجويّر

[مهرةٍ اصيلة]

محمـد بن جمشـان

صـح لسـانك وتسـلم يمنــاك ...


إختـك .. مهـرةٍ أصيـله