|
عـــذرا ممنـــوع الدخــول إلا...لأهل الذوق
لك جزيل التحايا والثنــــــــا والسلام = من خليل ابراهيم الناصـــر الشبرمي
البطاقة سعودي والقبيله سنـــــــــــام = ودار جدي سميـــــــــرا ولتـميم انتمي
ربعي اللي على الدجال شذرة حسـام = في صحيح البخـاري واحمد ومسلمي
وباختصار العبـــاره لا يطول الكلام = الجزيره ثلاث اربـــــــــاعها محزمي
ومــا اعتقد من يهيم بحب ربعه يلام = كل حيٍ بنـــــــــــــاسه يفخر ويحتمي
الرجال مخبوره والبلد به نظـــــــــام = لـــــو سمعنا هدير ولو سمعنـــا رمي
لطول الارقاب سيف وللمناخر خزام = وللكبود المغلـــــــــه خنجرٍ حضرمي
زان بدع القوافي والطريق استقـــــام = غردي يالحمام ويالغمــــــــام ارزمي
وياذلولي دفعتك بالسعه والزحـــــــام = زرفلي فوق صدر الجــاهل ودرهمي
ما يميل الشداد ولانفك الخطــــــــــام = لــــــــــــو يثور الكتام ودربك ملغمي
يــــــا عميلي توقع واحذر الاصطدام = حيتك ذيلــــهــــا والراس تحت اقدمي
وانتبه لا تجي بين الفضــا والظلام = ننقش من الصخر وانت اكتب بمرسمي
وموترك دام دربه بين جرف وعدام = انتبه للـــــرديتر مـــــــــاه لا يحتمـــي
وكابتن الطايره لا قلع والاجوا عسام = لا تذكر هبــــــوط الطــــــايره يندمي
كل شيٍ له الله لا يهينك مقــــــــــــام = وحكمة الصمت حكمه والحكيم ابكمي
الآ نـــــــــــام احترمها تحترمك الأنام = وان حقرت الاوادم ما احترمك آدمـي
يا ابن الاجواد جنب عن ملام العـلام = لا تتيه البصيـــــره والبصــــر ينعمي
يا ابن الاجواد صحصح لا يطول المنام = وخل الانوار تدخل كهفك المظلمي
العن ابليس وابعد يا بعيد المــــــــرام = السلامـــــه غنيمـــــه حظ من يسلمي
وبنكنا لا بغيت الصـرف وقت الدوام = نصرف الشيك بالدينار والـــــدرهمي
ولا نطق الكلبشه دام الامر اتهــــــام = لين نلقــــــــا الدليل وبصمة المجرمي
من زرع تين شوكي مــاجنا تين شام = وبكْرٍ العام جلدت هــــــالسنه ترجمي
لا تعدى الحدود ولا تعض البهــــــام = الله اللي بخلقه والعبـــــــــــــاد اعلمي
وكانها زله وزلت وراحت ســــــــلام= طعني ابعد ولا تنبش ولا تردمـــــــي
واعرف اني على العيّال شرس انتقام = وافهم اليعربي واتــــــرجم الأعجمي
تكرم ديار لاجل عيون يا ابن الكرام = ونـــاس من شان ناس اتقدّر وتحشمي
ومن تبصر تعلم والليــــــــالي علام = والـــــــزمن مدرسه ودروس ومعلمي
والمواقف تجارب والعرب ما تضام = كم غشيمٍ فهم لوكان مــــــــــــا يفهمي
قال انا الذيب الامعط والخلايق نعام = وسن نـــــــــابه وخلوه الرجال اثرمي
احذر العاقبه والعاقبه بالختـــــــــــام = تلعق الدبس والا تجـــــــــرع العلقمي
وراعي الدين لامنه نوى الالتـــــزام = سدده قصد قصد ودفعـــــــــــه مقدمي
وكان راسه عنيد وبالخطـــــا مستهام = يضربه بالصفات ويشرب القـــــلزمي
ان حكينا ندمنا وان سكّتنا حــــــــرام = تايه الــــــــــراي لازم يردع ويلجمي
ولجميع القبايل بالفواد احتــــــــــرام = واحمد الله تعـــــــــــالى دامني مسلمي
الشاعر / خليل الشبرمي التميمي
__________________
إذا المـرء لا يرعـاك إلا تكلـفـاً ** فدعـه ولا تكثـر عليـه التأسـفـا
ففي الناس أبدال وفي الترك راحـة ** وفي القلب صبر للحبيب ولـو جفـا
فما كل مـن تهـواه يهـواك قلبـه ** ولا كل من صافيته لـك قـد صفـا
|
12-05-2004, 04:27 PM
العرض العادي
