فتنات القلوب
تقاسيـم العبـاة اللـي شكـت مـن ضيقهـا الارداف
وصرخات اليتيم اللـي بكـى فـوق الصـدر مخنـوق
حكايـه قالهـا رمشـي علـى خـدي مـع المـذراف
كتبها الشوق فـي نونـي وجفنـي للحـروف يسـوق
صور وأطيـاف تلهمنـي خيالـي والخيـال أوصـاف
تسريني علـى مهـر المسـا فـوق السحـاب آتـوق
اسولـف للقمـر حـد الفكـر واكثـر بـه الاسـراف
على لحـن النظـر نحكـي ودقـات الفـؤاد خفـوق
تسامرنـا علـى المسحـوب نبـدع ونـة الـخـواف
وكـان آخـر قصايدنـا بصـوت الحالـم المـزنـوق
ألا ؟؟كيـف الركـاده والعقـل والمترفـات خـفـاف
وألا؟؟ كيف النبات يشح واطـراف السحـاب بـروق
وبذرات النفـل تمسـي وصرخـات الرعـود لحـاف
وطفـل الباديـه يسـرح ويضـوي للعـرب بالنـوق
درر دام الـدرر ألـوان والـوان الــدرر تنـشـاف
حـرام ان خطـوة البحـار تقصـر والبحـر مفتـوق
أنا ما ينقصـر شعـري علـى وزن الالـف والكـاف
وانا لامن سكـت حسـي شعـوري بالـورق معتـوق
وأنا لامـن دهانـي روع مابـه فـي العلـوم خـلاف
مـا دام الخفـوق يهيـم واحسـاس المـزاج يـروق
ابا اطرقهـا علـى كيفـي تجـي والقاسيـات نحـاف
سـرود ٍ فنهـا فنـي وفـنـي بالحـشـا مخـلـوق
امانـه والامانـه حـق لـو كـان الحديـث اصـلاف
في بعـض المعانـي واكثـر المعنـى يجـي لـه ذوق
انـا ماراعنـي كـون المتـون وخاصـر ٍ ملـتـاف
تمـوج كنـه الشـلال يبـدأ رحلتـه مــن فــوق
وضيـق ٍ فـي عبايتهـا رسـم للقانـص الاهــداف
رسم كـل الجسـد تمثـال شامـخ والصـدر مفهـوق
أنـا حاولـت اعديهـا ولـكـن زودهــا مـاخـاف
خفوقـي ينتفـض ويفيـض ويهـز الدجـى ويفـوق
تمادت وارتعش صوت ..(الاسير ).. اللي تحت الاكتاف
ينـادي توأمـه ويقـول أنـا ياصاحبـي مـرهـوق
حزين ٍ كنه المسجون فـي حكمـه عجـب واجحـاف
صبـر للقيـد والسجـان ظلمـه للـمـلا منـطـوق
هبـوب الريـح عاندنـي كسـر بيـدي المـجـداف
وقفـت بساحـل المحتـار اردد والنـجـوم عـلـوق
وجودي يااشقـر القرنـاس اذا لـزم الوكـر بكتـاف
تضيمـه فـزة البرقـا ويضنيـه الـرخـم بنـعـوق
وجـودي ياهـوا الشـلال اذا غـرد لـه الـطـواف
بحزه تطـرب الجـوري ويظهـر للسحـاب شـروق
خصوصا ً لاصحـى التيـار وارسـل لونـه الشفـاف
هبايب تنقل النسمه علـى غصـن الشقـا المحـروق
تضمه من عـذاب الشمـس وتبـل الهشيـم الجـاف
ترد الروح وسط الـروح تسقـي صدرهـا المشقـوق
تذوقنـي حنـان المـوج لامنـه حضـن الاصــداف
تحسسنـي دفـا التفـاح يومـه محتـمـي بـعـذوق
حكايـة دمعتـي مشهـد وفتنـات القلـوب رهــاف
مثـل باقـه بهـا زحمـة هدايـا مـن ورود الشـوق
(للشاعر فواز بن حوف)
18-02-2005, 07:44 AM
العرض العادي
