السلام عليكم و رحمة الله و بركاته
هذه أول مشاركة لي بنفسي معى أنني و جدت منقولا لي عندكم مشاركة سابقة. و تشرفت بنبلكم و حسن إطرائكم، و رداً على هذا أحببت أن أخص ناديكم بهذه الجديدة لكم لا لغيركم، و إنني أسمح بنقلها لمن أراد لأي ناد إذا رأى أحقيتها في النشر.
الموضوع: الى الشيخ طالب بن محمد بن شريم، إهداء، و ما نقص عن مقامكم( بسبب خلل غير مقصود) نرجوا الصفح عنه من كرمكم و نبل ذاتكم.
المناسبة: طالعت أمس و أنا في رحلة داخلية، جريدة ( تنقل من جريدة أخرى) أصابتني بالذهول، تنسب عن الشيخ شيئاً يشبه توافق رأيه ( تقريباً) مع فكرة انتزاع جنسيات فخذ الغفران، في أول مرة، و لا يشبهها سوى إنتزاع المملكة مضطرة لجنسية بن لادن، و الكويت لجنسية أبو غيث.
بسم الله نبدأ:
يقـــول الشـــاعر اللــي من ضمــيره يبدع الالـحـــــــان= لحـونٍ لـه ٍ بوسـم عتيبه الــــهيـلا موسمـــها
عليها شاهــــد ٍ له، خص ، ما هو شــــــاهد العــــــربان= و له نفسٍ عن اللي ما يصيب ارياه عاصمها
تبــــين ابيـــات شعـــره ما تشـــــابها من القيــــفــــــــان= قــــوافي الغير، و افــكار العوارف مــا تصـادمـــها
و لايتبع خطا المخطـــــي، و لا ينشد عن اللي كان= ما دام انه على البرهان حــــجــــتها مقومــــــها
غفور للخطا، ما دام يرقى بالفتى الغُفران= و عـــــن ناس ٍ عــوايدها الخطا نفسه مـــكرمـــها
اله شرهة على الطيب، و اله صده عن الرديان= و اله يمنىً عن الهزلة و راعيها يشيمها
عسى قولٍ ليا قلناه ما له فعلنا برهـــــــان= يخـــيب، و لا يـــوفق ربي، أبيــات نــنــظــمـــها
و عسى عرف الخلا ، اللي يختفي في حاضر الميدان = تصاب افواه عـــــرافه بعــــلاتٍ تكــمـمـــها
وعـــسى كف البخيل يشلـها الله، و الكــريم يـــعــــان = و رجل ٍ بالخطا تسعى يعيق الله تقـــدمــــــها
تولم يا نـديبي، فوق منتج مصنـــع الالمان= مخصص لك من " اشتت قرت" تحت اشراف حاكمـها
نقينا لك جديد الصنـــــع، يبري كنه السرحان = كـــمنك من ريـاجيل لـــزوم الطـــيب تخدمـــها
تـولم ما يبي لك وصف للطرقة يـا بــو فـــلحـــــان= لحـيث انك،نجيب الطـيبة، قاضي لوازمـــهـــــــا
تحرك و اطلـب الله فالفـــلاح و ســـم بالرحمـــان= تراها ما تتم اهــــــداف و الله مــا يتمـــــــمهـــا
و اخذ مني ، رسالة ، و الرساله فوقها عنوان = وفــا، و لطالب ابن شريم ، قدمها و سلمها
و تريح عن عنا المشوار، في بيت الشعر هولان= تبا تلقا به المرّة، جلوسٍ عند مــقَدمـها
و تبا تلقى ليا جيته ، مزايين البكار ألوان= محشمها الفهيدي مع مناعيرٍ تحشمها
و تبا تلقا دلال، كيفهنه من جبل خولان= و حــيل ٍ ، عند أبو فيصل ، شواربكم يدسمها
و قله يا نديبي: ماش سرٍ يقبل الكتمان= علوم لو كتمنا عيت اهل الصحف تكتمها
و قل له يا ولد لاهوم، بشرنا عن الغِــفران= عساها كذبة ما بين واهمها و موهمها
عساها من دعاياتٍ ، تضخم حجمها العدوان= هدفها تكسر الهيبة و عزوتكم تقسمها
يحسب انك تفرط باللزوم الجاهل الخسران = يبا المرة سحابة صيف ما تثبت معالمها
تسبب عند ابن ثاني، و غيّر محتوى الجرنان= و عاقب ستة آلافٍ، لا جل و احد، يجرمها
فخيذة كاملة، تكفا يا طالب، طيب الجدان = يجر اقصى عراوي القلب، شوف الضيم ضايمها
جزع فيهم، يهودي يحامي عن حقوق انسان= و حنا أولى منه باسم الحمية، و انت فاهمها
و تسمع عن قوانين الدول من مصر لليابان = طبيعة كل دولة ، هيبة القانون تحكمها
خلاصتها- ما اطول لك- يجنّس ساكن الاوطان= و ابو جنسيتين،الاولة يقدر يسلمها
لكن الثانية، لو جنست، ما امسى لها ضمّان= على ارغامه على انه يتلف الاولى و يعدمها
قوانينٍ، بقى مفعولها ساري، بلا بطلان= الا ان الدولة ام الشعب عيت لا تعممها
و لا هو نقص فالغفران، لا، ما حولهم نقصان= لكن البدو في اوقات العوافي تنزل اسهمها
تشوف البدو، هم و السيف في وقت اللزوم اخوان= و في غير اللزوم، اثنينها امسى الوقت ظالمها
تشوف السيف يرجع صولجان بملعب الغران= عليتي يا السيوف الحدب، يا ما اشين تصرمها
لو الغفران، جو من سوريا و لا جبل لبنان= علي من الثلاث الحارمه ما احد يكلمها
و لو الغفران شلة قهوجية فاسفل الديوان= ما يمسي عن بلدها راعي الصومال داحمها
و لو الغفران شيعه، كلما ناحوا تنوح إيران= لتنعاد الجناسي من عتب قُــم و تبرمها
لكن حكاية الغفران، صكت دونها بيبان = و قام يشيلها في الصحف نصاب يعظمها
و حالت دون قصتهم عبيد القصر و النسوان= و ردي أصل ٍ، تسره رمية الاجواد في فمها
و أنا اشوف الهواجر، يا بو فيصل للرفيق أعوان = لكن الخيل قامت مطرق المناع تلطمها
و قوف و تنتظر ردك، لعلك تطلق الارسان= تفضل صح على اولها، تراها ابلت شكايمها
عسى الصبر الطويل اللي صبرتوا، يعقبه عمران= ترا التاريخ، ما يرحم، و مثلك ما يهدمها
و قصة هالنبا اللي بالجريدة، سو له تبيان= ترى عيني من النوم، البيان الشين، محرمها
تراها، و الله اعلم، حجة يدفع بها جَبَان = يبا يحمي مكانه ، لو مكانتكم يحطمها
يفكر يبني أمجاده؟ و يهدم مجدكم؟ غلطان = نسي ، قصتكم، اللي ما هقيت اللاش يفهمها
قل المرة سلايل يام،قولوا يام من همدان= رجالٍ لو ذبحها الجوع ما باعت محازمها
----سرهيد العتيبي
05-06-2005, 09:35 PM
العرض العادي
