((قصص حقيقيه مع الجن و قصائدها))

[عاشق المجاهيم]

بسم اللة الرحمن الرحيم

السلام عليكم ورحمة اللة وبركاته

هذا الموضوع تم نشره في المنتدى نزلته في موضوع العضو ابو السلاطين

هيا لنبحث عن قصائد الجن

ولعدم الاطلاع عليه من قبل كثير من الاعضاء حبيت ان اعيده هنا,,,,,,

دائماً مايحدثوننا كبار السن عن الجن والمواقف التي حصلت معهم

فاليوم نأتي بالمقدور عليه ونحاول فيما بعد ان نأتي بجديد...,,,

هذه السالفه التي اسمعها من كبار السن

يقو لون كان هناك رجل وصديق له ممسين عند ابلهم

في البراعيم(البراعيم تقع جنوب الوادي بحوالي40كم)

وعند ما اتا آخر الليل سمعوا هذه القصيده من جني يقول فيها

يارجلي اللي غدت دمـره=مـن البراعيـم واحذاهـا
واللـة لـولاك ياسمـره=للخـور ماعـاد نرعاهـا
ون سرت انا برفع الشمره=واعس واطـوف مفلاهـا

يلاحض هنا ان الجن لهم حلال يرعونها ويحبونها ويهتمون بها.........

والسالفه الثانيه كان فيه رجال عند ابله في ضداء

(ضداء يقع جنوب الوادي بحوالي 100كم وهو حدود الدواسر مع قبيلة يام)

وكانت الارض مدهره

فمر عليه رجل على ناقته فناداه ليسئله عن الاخبار

فلما اتاه صاحب النا قه راءاه رجل غريب فقال له من اين جاي

قال

امس فكوك الريق من تمر يبرين=واليوم شفني بالعيون الحبايـب

ويلاحض هنا انه قطع المسافه من يبرين الى ضداء في يوم واحد

بالرغم من طول المسافه

فقال له صاحب الأبل معك احد

قال

علمي بربعي من ورى هضبه الطين=قعودهم جالـه مـن اللـة سبايـب

نفهم هنا انه معه أخويا ولكن حصلت لهم مصيبه ربما انكسر قعودهم

فقال ايش تبحث عنه

فقال

ادور اللي كن عرفه رياحين=اللي سبا قلبي غرير وشايب

الجني يحب ويعشق والضاهر ان معشوقته هنا آدميه

فقال عينت اعلوم الحيا... من عادت البدو اهل الحلال يحبون اخبار الحياء

قال

اقول حولوا للحيا يامساكيـن=من قبل تاكلكم وقوت اللهايب

فقال اين مكانه

قال

عينت انا الاجواد في نجد مطخين=واد الرشاء جايٍ لعشبه عجايـب

هذا الجني اتى بالعلم الأكيد عن الحياء فبقي على صاحب الأبل ان يحول إلى الحيا

وهذه تعتبر مشاركه بسيطه

وتقبلوا تحيات اخوكم المحب

[booa7]

مشالله انا اشك في ان الشعر هذا من قوول الجن
مع ان الجن واقع صحيح بس

ما اقوول الا بسم الله الرحمن منهم والله لو يوقف قدامي ويخاطبني مثل صاحبناا اللي في السالفه اني لا امووت ويشيب راسي من اول ما قال انه قطع المسافه في يوم واحد

::
::
::
يعطيك العافيه اخوي خوي المجاهيم ويسلمووووو
على السالفه والقصيده الجميله
وننتظر منك المزيييييييد
"
"
"

تقبل تحياتي

[عاشق المجاهيم]

السلام عليكم ورحمة الله وبركاته

يامرحبا ومسهلا
وجعلهم مايجونك
علشان ما تختلع ويشيب راسك
والله لايهينك على المرور

[فهد]

الله يعطيك العافيه ولاهنت

[عاشق المجاهيم]

السلام عليكم ورحمة الله وبركاته
الله يعافيش
واشكرش على المرورالكريم

[الباشا]

لاهنت اخوي عاشق المجاهيم

والله يعطيك العافيه

[عاشق المجاهيم]

السلام عليكم ورحمة الله وبركاته
الباشا
ومن قال مايهان
والله يعفيك
ولاهنت على المرور الكريم

[عــــرق الحــــاذ]

ياطيب طيبك طيباه
بيض الله وجهك ياعاشق المجاهيم على ذا الماضوع المتميز والله يكثر من امثالك ياحمر العين

[عاشق المجاهيم]

السلام عليكم ورحمة الله وبركاته
عرق الحاذ
يامرحبا ومسهلابك
وماعليك زود طال عمرك
وجهك وسامحنا على التأخير
ولاهنت على المرور يالسنافي

[راعي المشعاب]

شكراً لك اخي الكريم على هذا الموضوع الممتع