هذا رجال مسكين على قد حاله عايش مع زوجته وعياااله في قريه صغيره و زمن أقشر فقر وحاجه .. ومافي مجال للعمل وطلب الرزق <= الله يعيين
ضاااق ابو العياال من ذا الحااال وضاقت زوجته بعد .. لين اتفقوا على حل وهو :: انهم يتركون هالقريه ويهاجرون للصحراء ويسكنون في القصور !!! اللي كان تبعد عن البلد بحوال عشرين كيلو وكان فيها مزارع وخضره وخير !
دوروا عن قصر على قدهم يسكنون فيه وأخيــرا لقوه .. وصاروا يغبشون الصبح للبر يتحطبون ويجمعون الاعشاب
ويسرون للقصر ويصيدون الجرابيع والضبان وياكلون من اعشاب
الارض مثل البقرا و البسباس والذعاليق والحُوّى..
وعاشو على ذا الحال لين جا ذاك اليوم اللي سمع الرجال صوت عند الباب كنه صوت شخص يستعطف عشان يفتحون له الباب !! استغرب الرجال لان ماكان احد يزورهم ولا يسير عليهم وراح مسرع وفتح الباب لين ذيك الشاااه الكبيره والسمينه وكنها بتنفقع من الحليب استانس يوم شافها !! خذاها برقبتها ودخلها على امرته وهي الثانيه ماصدقت بغت اطير من الفرحه بذا الرزق اللي كنه نازل عليهم من السماء وقامت الزوجه وحلبتها وشربو من حليبها لين ارتوت العائله الفقيره وخلو الباقي حق اليوم الثاني !!
وجا الصبح ولقوها مو بتنفقع الا قدها بتغثي من الحليب اللي فيها وحلوبوها وسرحوها ترعى في البر وهم يراقبونها ادور على القصر ولا تبعد عنه الا شوي وتوعد لدائرتها وترعى من جديد ..
تحسنت العائله الفقيره بفضل هالشاه وفرح الزوج وفرحت الزوجه على كثر ما كانو خايفين ان هالشاه تكون لعرب مضيعينها و عقب مايلقونها يسلبون تيك النعمه من تيك العائله المسكينه ..
وبقوا على هالحال كم يوم وهم في سعاده وفي نعمه
مايكدرها الا خوفهم من زوالها ..
وفي تيك الليله كانت الزوجه نعسااانه ماشبعت نوم ياعيني وراحت تحلب الشاه بسطت المرا على العتبه وقربت الشاه منها ورفعت لها رجها وحطت الغضاره تحتها وقعدت تحلبها وهي تحلب شوي وتقاوم نعاسها شوي ومنا ومنا لين طاحت على جمبها وضرب راسها الارض كان شكلها تحفه
وقامت بسرعه لا يشوفها رجلها والا احدا ورعانها ويتطنز عليها ورجعت تبي تكمل حلبها !!
وحصلت الفجيعه يعني سلمت المرا من زوجها وعيالها محد بيضحك عليها لكنها ماسلمت من شاتها
اظن فهمتوني !!
يوم جات المسكينه تبي تكمل وتحلب وتفاجأة يوم(( لفت عليها الشاة وابتسمت ومشت وخلتها ))!!
المرا من الفجعه قعدت بمكانها حول ربع ساعه ماتكلم ولا تسمع يعني مصدوووومه وما ألومها والله
وعقب ما استوعبت اللي صار قالت اكيد ان ذا الشاة مسكونه ومتلبسها الجن
وراحت تعدي لأبو عيالها وقالته عن اللي صار وانهم لازم يتركون المكان باسرع وقت الرجال ماصدقها وقام يقنعها وانه مستحيل اللي تقوله ويفهمها ان اللي تقوله كله اوهاام بس هي كانت مقتنعه باللي تقوله عشان كذا خيرته:
يا انه يخاويها هي و ورعانها ويرجعون لقريتهم والا يقعد بروحه مع الشاة المسكونه وهي وعيالها يرجعون بروحهم فكر شوي لكنه طمع بالقعده مع هالشاة لان قريتهم كانت تعاني من قحط شديد عشااان كذا اختااار
الراي الاخير وكاااان هو الضحيه ...
24-08-2006, 02:26 AM
فيها رعب وفيها فكاهه حياكم الله :)
العرض العادي
